پرس بادینی
رێڤه‌به‌رێ په‌ره‌ردا روژئاڤایێ سلێمانیێ راگه‌هاند، چ بهنڤه‌دان ژ ئه‌زمونان ناگرن و وێ به‌رده‌وام بن، د ده‌مه‌كێ دا یه كو سوبه 14ی ته‌موزا 2020ێ ل هه‌مو داموده‌زگه‌هێن هه‌رێما كوردستانێ و عیراقێ بهنڤه‌دانا فه‌رمی یه.
به‌كر محه‌مه‌د، رێڤه‌به‌رێ په‌روه‌ردا روژئاڤایێ سلێمانیێ د راگه‌هاندنه‌كێ دا ئاماژه ب وێ یه‌كێ كر"چ بهێنڤه‌دان ژ ئه‌زمونان ناگرن و ئه‌و خشتێ وه‌زاره‌تا په‌روه‌ردێ دانای وه‌كی خو و ل ده‌مێ خودا وێ وه‌ره جێبه‌جێكرن، چونكه ئه‌گه‌ر بهنڤه‌دان بكه‌ڤیته د ناڤ ئه‌زموناندا ل وی ده‌می نه‌شێن دده‌مێ خودا ئه‌زمونێن وه‌رزێ دووێ ئه‌نجام بده‌ن"
ئاماژه ب وێ یه‌كێ ژی كر، د هولێن ئه‌زموناندا هه‌مو رێكارێن ته‌ندروستی دهێنه جێبه‌جێكرن و چو ئاریشه نینن.
ئه‌زمونێن پولا دوازدێ ل هه‌لارێما كوردستانێ ل ده‌ستپێكا حه‌فتیا بوری ده‌ستپێكرنه و ل گوره‌ی ئامارێن وه‌زاره‌تا په‌روه‌ردێ، 144 هه‌زار و 142 خوانده‌ڤانان به‌ژداری د ئه‌زموناندا دكه‌ن.
No comments:
Post a Comment