پرس بادینی
ئه‌ڤرو 13ی ته‌موزا 2020ێ لژنا وه‌زاری ژ بوی رووبرووبونا ڤایروسێ كۆرۆنایێ چه‌ند بریاره‌ك نوی ده‌رێخستن، ئاماژه ب وێ یه‌كێ ژی كر كو قه‌ده‌غه‌یا هاتن و چونێ دناڤبه‌را باژێران و دناڤبه‌را پاریزگه‌هاندا وێ به‌رده‌وام به.
بریارێن لژنا بلندا وه‌زاری ژ بوی رووبرووبونا ڤایروسێ كۆرۆنایێ
ئیك: به‌رده‌وامبونا هه‌ردوو وه‌زاره‌تێن ته‌ندروستی و نافخو لسه‌ر ده‌رێخستنا رێكارێن خوپارێزی و رێنمایێن ته‌ندروستی یێن پێتڤی ژ بوی رووبرووبونا ڤایروسێ كۆرۆنایێ و سه‌پاندنا ب كارئینانا ماسكان و ده‌ستگوركان و تیكه‌لنه‌بون د جهێن گشتی دا و وه‌زاره‌ت و فه‌رمانگه‌هێن حكومی و دیفچون و جێبه‌جێكرنا ئه‌وان بریارا كو به‌ری نها ژ ئه‌نجومه‌نێ وه‌زیران ده‌ركه‌فتنبون و سزاردانا سه‌رپێچی كاران.
دوو: به‌رده‌وامبونا قه‌ده‌غه‌یا هاتن و چونی دناڤبه‌را باژێر و پارێزگه‌هاندا ژ وی ده‌می كو ژ لایێ ژورا ئوپه‌راسیونێن پارێزگه‌هانڤه بهێته راگه‌هاندن و درێژكرن و گرتنا جهێن گشتی.
سێ: گه‌شتێن ئه‌سمانی تا 22ی ئه‌ڤێ مه‌هێ وێ راگرتی بین و پاشان ب هه‌ماهه‌نگیێ دگه‌ل حكومه‌تا عیراقا فیدرال وێ بریارا پێتڤی بهیته دان لسه‌ر رێكار و رێنمایێن ته‌ندروستی.
چوار: وه‌زاره‌تا ره‌وشنه‌بیری و لاوان و فه‌رمانگه‌هێن میدیا و زانیاری د چوارچوڤێ بریار و رێنمایێن وه‌زاره‌تا ته‌ندروستی، راسپاردن ژ بوی به‌رده‌وامبون و باوه‌ریدانا ب هه‌لمه‌تا هشیاركرنا هه‌ولاتیان ژ بوی پابه‌ندبون ب رێنمایێن ته‌ندروستی و رێكارێن خوپارێزی ب هه‌ڤكاری و هه‌ماهه‌نگیێ دگه‌ل ده‌زگه‌هێن راگه‌هاندنا هه‌رێما كوردستانێ.
No comments:
Post a Comment