پرس بادینی
ئه‌ڤرو سێ شه‌مبی 14ی ته‌موزێ، فه‌رماندێ فه‌یله‌قا قودسا ئیرانی راگه‌هاند، ئه‌وا ب سه‌رێ ئه‌مریكا دهێت سزایێ خودای یه و ل دوڤ بكه‌راندا نه‌گه‌رن.
ئیسماعیل قائانی فه‌رماندێ فه‌یله‌قا قودسا سه‌ر ب سوپایێ پاسدارێن ئیرانی ڤه د جڤینه‌كێ دا دگه‌ل فه‌رماندیه‌یێن "به‌ره‌یێ به‌ره‌ڤانیكرنێ" گوتیه، "پێتڤیه ئه‌مریكی كه‌سێ تومه‌تبار نه‌كه لسه‌ر بویه‌را ئاگربه‌ربونا كه‌ستیا خوه، چونكه ئه‌ڤه ئه‌نجامێن سوزا خودای یه، ل دوڤ بكه‌راندا نه‌گه‌رن، به‌لكو ئه‌ڤه ئه‌نجامێ كارێن وه‌یه و خودێ هه‌وه سزا دده‌ت".
ئاماژ ب وێ یه‌كێ ژی كریه "هێشتا ده‌مێن دژوارێن ئه‌مریكا و قه‌واره‌یا سه‌هیونی نه‌هاتیه و ئه‌م چاڤه‌رێیا وان دكه‌ین".
ئه‌ڤه‌ژی د ده‌مه‌كێ دایه كو دوهی دووشه‌مبی، ئاگر به‌ربو كه‌شته‌كا فروكه‌هه‌لگرا ئه‌مریكی ،بونهوم ریچارد ل بنكه‌یه‌كێ ده‌ریای ل سان دییگۆ ل ویلایه‌تا كالیفورنیا، ب ڤی ئه‌گه‌ری ژی 17 كه‌شتیڤان و چوار مه‌ده‌نی برینداربون.
No comments:
Post a Comment