پرس بادینی
دیوارێ سیاسی نه‌كو كۆرۆنا
رێكه‌وت زه‌كی
ئه‌ندامێ ئه‌نجومه‌نێ پارێزگه‌ها سلێمانیێ
1- د ڤێ حه‌فتیێ دا نیشته‌جێیێن پارێزگه‌ها سلێمانی و حه‌له‌بچه و ئیداره‌یا گه‌رمیان و راپه‌رین دشێن ب رێكا فروكه‌خانا سلێمانیێ بگه‌هنه سه‌دان وه‌لات و هه‌ر جهه‌كێ لسه‌ر رویێ ئه‌ردی به‌لێ نه‌شێن بگه‌هنه هه‌ولێرا پایته‌ختێ هه‌رێما كوردستانێ! هه‌تا دشێن بچنه به‌غداژی به‌لێ نه‌شێن بچن هه‌ولێرێ! بوچی؟ ژبه‌ر كۆرۆنایێ! باشه ل به‌غدا و ته‌هران و ئه‌نقه‌ره ژمارا توشبویان زێده‌تره یان سلێمانی؟ باشه سلێمانی و حه‌له‌بچه نه دوو پارێزگه‌هێن جیاوازن! ئه‌رێ بوچی هاتن و چون دنااڤبه‌را وان هه‌ردوو پارێزگه‌هاندا ئاسای یه و بێ كێشه‌یه! ژ به‌ر هندی باوه‌ربكه‌ن ئه‌و دیوارێ سیاسی یه نه‌كو ژ بوی به‌ره‌ڤانیكرنا كۆرۆنایێ یه.
2- راستتره ئه‌وێن ئه‌و دیوارێ سیاسی د ناڤبه‌را هه‌ولێر و سلێمانیێ دا دروستكری زیره‌كتربن و گوتنا دلێ خو بێژن و ئنیه‌تا خو دیار بكه‌ن! ئه‌گه‌ر نه كۆرۆنا ل كیڤه ب چاڤا دیاره هه‌تا زلگه‌ها دێگه‌له رێكێ لێ بگرن! ئه‌رێ دروسته ژ به‌ر 3 هه‌زار كه‌سان كو هێشتا چاره‌سه‌ر نه‌بونه دیواره‌كێ د روویێ 2 ملیون 250 هه‌زار كه‌سدا دروستبكه‌ن! هه‌روه‌سا ژ لایه‌كێ دنڤه ب سه‌دان كه‌س ژ وه‌لاتێن دی ب رێكا فروكه‌خانا هه‌ولێرێ دهێنه هه‌ولێر به‌لێ بتنێ ژ سلێمانیێ نه! واتا كۆرۆنا ل هه‌مو ئه‌وان وه‌لاتان نینه كو گه‌شتا ژ بوی فروكه‌خانا هه‌ولێرێ ده‌ستپێدكه‌ن؟
3- مه‌ره‌م ژێ ئه‌وه ئه‌ڤێ حكومه‌تێ دڤێت لسه‌ر شاشه‌یان خوه وه‌كی حكومه‌ته‌كا سه‌رتاسه‌ری نیشانبده، به‌لێ د واقعی داد خورا نابینیت و ته‌جاوزا دوو ئیداره‌یێ ب چ ره‌نگا نه‌كریه، باشه بوچی ژ بوی داخوازیێن شه‌رعی یێن خه‌لكی ژ بوی دوو ئیداره‌ی یێ ب تاوان حساب دكون؟ باشه نها ئه‌م هه‌وه د چدا بنیاسن؟ ب دیوارێ هه‌وه یان ژی ب وێ یه‌كێ كو هه‌تا نها بتنێ 2 مووچه‌یێن دن ب هه‌وه دهێته دان و به‌حس نه‌كه‌ین؟
No comments:
Post a Comment