پرس بادینی
ل گۆڕه‌ی نووچه‌یێن مه‌دیایا ئێكه‌تی ژبه‌ر ئه‌گه‌ره‌كێ نه دیار پێشمه‌رگه‌یه‌ك ئه‌وان ژ لایێ هێزێن ئاسایشا حاجی ئۆمه‌رانڤه د ناڤا بازارێن ئه‌وێ ناحیێ دا بێ بریارا دادوه‌ری هاتیه ده‌سته‌سه‌ركرن و رێكێ ب ملباتا وی ژی ناده ببینن.
جه‌لال قادر، به‌رپرسێ كۆمیته‌یا حاجی ئۆمه‌رانا ئێكه‌تی هه‌ڤده‌م بابێ پێشمه‌رگه‌یێ ده‌سته‌سه‌ركری ڕاگه‌هاند، هه‌یا نها ئه‌گه‌ره‌كێ رۆن ده‌رباره‌ی ده‌سته‌سه‌ركرنا رێژیارێ كورێ وی ژ لایێ ده‌زگه‌هێ ئه‌منیێ ئه‌وێ ناوچێ ڤه ب وان نه‌هاتیه دان، به‌لێ دبێژن كورێ وان دناڤا تۆرا كومه‌لایه‌تی دا ته‌شهیر ب لایه‌نه‌كێ سیاسی كریه.
بابێ پێشمه‌رگێ ده‌سته‌سه‌ركری دبێژه، كورێ وی پێشمه‌رگه‌یێ هێزا 70 یا سه‌رب وه‌زاره‌تا پێشمه‌رگه‌ی ڤه‌یه و ئه‌وێ هێزا ئه‌و ده‌سته‌سه‌ركری چو داخوازیێن یاسای و نڤێسارێن دادوه‌ری دگه‌لدا نه‌بونه.
ژ لایێ خوڤه‌ژی زوبێر عوسمان، ڤه‌كوله‌رێ مه‌لبه‌ندێ رێكخستنا سۆران یا ئێكه‌تی ده‌رباره‌ی ئه‌ڤی بابه‌تی راگه‌هاندیه، ئه‌و د بازاڤا وێ یه‌كێ دانه ئه‌گه‌رێ ده‌سته‌سه‌ركرنا وی پێشمه‌رگه‌ی ئاشكرا بكه‌ن، و داخوازێ ژی دكه ب زوترین ده‌م وه‌ره ئازادكرن.
No comments:
Post a Comment