پرس بادینی
جیگرێ پارێزگارێ هه‌ولێر راگه‌هاند "ره‌وشا ته‌ندروستیا هه‌ولێرێ د مه‌ترسیێ دا یه، دهه‌مان ده‌م دا رێڤه‌به‌را فروكه‌خانا هه‌ولێر ژی دبێژه، گه‌شتێن ئه‌سمانی وێ ده‌ستپێكه‌ن".
هێمن قادر جیگرێ پارێزگارێ هه‌ولێرێ د لێدوانه‌كێ دا ژ بوی ده‌نگێ ئه‌مریكا راگه‌هاند "ره‌وشا ته‌ندروستیا هه‌ولێرێ د مه‌ترسیه‌كا مه‌زن دایه و گرتنا جهێن گشتی و قه‌ده‌غه‌یا هاتن و چونێ مفایێن باش هه‌بون ژ بوی رێگریكرنێ ل زیده‌بونا ڤایروسێ كۆرۆنایێ".
د هه‌مان ده‌مدا ئه‌ڤرو دووشه‌مبی 13ی ته‌موزا 2020ێ ته‌لار فایه‌ق رێڤه‌به‌را فروكه‌خانا ناڤده‌وله‌تیا هه‌ولێرێ د كونگره‌یه‌كێ روژنامه‌ڤانی دا راگه‌هاند "ل ده‌ست پێكا حه‌فتیا بهێت دێ ده‌ست ب گه‌شتێن ئه‌سمانی كه‌ین و ئاماده‌كاریێن پێتڤی ژ بوی وێ مه‌ره‌مێ هاتنه كرن".
ئه‌ڤه‌ژی د ده‌مه‌كێ دایه كو هه‌مو وه‌لاتێن جیهانێ ژ به‌ر به‌لاڤبونا ڤایروسێ كۆرۆنا و وه‌كی خوپاراستن هه‌مو گه‌شتێن ئه‌سمانی راگرتنه، به‌لێ ل هه‌رێما كوردستانێ جیگرێ پارێزگارێ هه‌ولێر به‌حس ل خرابیا ره‌وشا ته‌ندروستیا وی باژێری دكه‌ت و رێڤه‌به‌را فروكه‌خانێ ژی به‌حس ل ده‌ستپێكرنا گه‌شتان دكه‌ت.
No comments:
Post a Comment