پرس بادینی
به‌رپرسێ لقا 12 یا پارتی ل حه‌له‌بچه د كونگره‌یه‌كێ رۆژنامه‌ڤانی دا ئاماژه ب وێ یه‌كێ كر، ئه‌وێن شه‌ڤا ده‌ربازبوی هێرشی باره‌گایی كرین نه خوپێشانده‌ربون به‌لكو چه‌كداربون و چه‌ندین جورێن چه‌كا دده‌ستێ واندابون.
به‌سام عه‌لی به‌رپرسێ لقا 12 یا پارتی دیموكراتی كوردستان ل حه‌له‌بچه د كونگره‌كێ رۆژنامه‌ڤانی دا راگه‌هاند، ئه‌وێن شه‌ڤا ده‌ربازبوی هێرش كرینه سه‌ر باره‌گایێ وان، نه خوپێشانده‌ربون به‌لكو چه‌كداربون، چونكه ته‌قه ل باره‌گایێ له‌قێ كرنه و زێره‌ڤانێن لقێ ژی به‌رسڤا وان دا ب مه‌ره‌ما به‌لاڤكرنا وان ته‌قه بسه‌ر ئه‌وان كه‌ساندا كریه.
ئه‌ویه‌ك ژی روونكر، جهێ پرسیارێ یه باره‌گایێن مه ل ڤی سنوری دبنه ئارمانج، د ده‌مه‌كێ دا مه چ جومگه‌یێن ده‌ستهه‌لاتێ ل ڤی سنوری نینن، ب تایبه‌تی ل حه‌له‌بچه.
دره‌نگیا شه‌ڤا ده‌ربازبوی ژماره‌یه‌كا گه‌نجان ل حه‌له‌بچه خوپێشاندان ده‌ستپێكرن و ل گوره‌ی گوتنا سه‌روكێ باژێرڤانیا وی باژێری، خوپێشانده‌ران به‌لگه‌یێن وه‌لاتیان شه‌وتاندنه.
No comments:
Post a Comment