وه‌زاره‌تا ته‌ندروستیا حكومه‌تا هه‌رێما كوردستانێ د راگه‌هاندا خوه‌یا روژانه‌دا راگه‌هاند، بو ده‌ما 24 ده‌مژمێرێن بووری 569كه‌س ل هه‌رێما كوردستانێ توشی ڤایرۆسێ كۆرۆنایێ بونه و پتریا وان ل پارێزگه‌ها هه‌ولێرێ نه.
ل گوره‌ی ڕاگه‌هاندنا وه‌زاره‌تا ته‌ندروسی، ل باژێرێ هه‌ولێرێ 323ێ كه‌س توشی كۆرۆنایێ بونه، دهوك143كه‌س توشبونه، ل سلێمانیێ 69 و گه‌رمیان ژی 23كه‌س و حه‌له‌بچه 11 كه‌س توشی ڤایروسێ كۆرۆنایێ بونه.
د هه‌مان راگه‌هاندندا ئه‌و یه‌ك ژی دیاركریه، ل سه‌رانسه‌ری هه‌رێما كوردستانێ 13 توشبوێن كۆرۆنایێ د 24 ده‌مژمێرێن بووریدا جانێ خوه ژ ده‌ست دانه، نه‌هـ كه‌س ل هه‌ولێرێ و سێ كه‌س ل سلێمانیێ و كه‌سه‌كێ دن ژی ل حه‌له‌بچه.
هه‌روه‌سا خویاژی كریه، 177 توشبوی ب ته‌مامی چاره‌سه‌ربونه، دگه‌ل ڤێ ژمارێ ژی، ژمارا توشبویێن چاره‌سه‌ربوی ل هه‌رێما كوردستانێ گه‌هشته 10 هه‌زار و 821 كه‌سان.
ل گوره‌ی ئامارێن وه‌زاره‌تا ته‌ندروستی هه‌تا نها 19 هه‌زار و 335 كه‌س ل باژارێن هه‌رێما كوردستانێ توشی په‌ژیكا كۆرۆنایێ بونه، و ژ وانا ژی 699 كه‌سان جانێ خوه ژ ده‌ست دایه.
No comments:
Post a Comment