قوباد تاڵه‌بانی جێگرێ سه‌روكێ حكومه‌تا هه‌رێما كوردستانێ، د پوسته‌كێ دا ل ئه‌كاوه‌تنێ خوه‌یێ فه‌رمی ل فه‌یسبوكی راگه‌هاند، دگه‌ل 25 كۆنسۆل و نوینه‌رێن وه‌لاتان ل هه‌ولێرێ جڤیایه.
ل گۆڕه‌ی ئه‌وی وێنێ جیگرێ سه‌رۆك وه‌زیران به‌لاڤكری جڤین ب رێكا ڤیدیو كۆنفرانس بوه و قوباد تاله‌بانی دناڤا ترومبێلێ دا به‌ژداری د جڤینێ دا كریه.
قوباد تاڵه‌بانی راگه‌هاندیه، "دگه‌ل نێزیكی 25 كۆنسول و نوینه‌رێن وه‌لاتان و نوینه‌رێ نه‌ته‌وه‌یێن ئێكگرتی ل هه‌رێمێ جڤیام، و مه به‌حس ل رێككه‌فتنا دناڤبه‌را هه‌ولێر و به‌غدایێ دا كریه و كو ده‌رئه‌نجامێ چه‌ندین مه‌هێن دانوستاندنان بوه، هه‌رچه‌نده ده‌مكیه به‌لێ بناغه‌یه‌كێ باشه ژ بوی گه‌هشتنا رێككه‌فتنه‌كا گشتگیر و درێژخایه‌ن".
نڤێسایه ژی "مه به‌حس ل چاكسازیێن هه‌رێما كوردستانێ ژی كر و مه داخواز ل وان كر هه‌ڤكارێ مه‌بن لسه‌ر دوسێ یا ته‌شه‌نه‌كرنا ڤایرۆسێ كۆرۆنایێ".
جێگرێ سه‌روكێ حكومه‌تا هه‌رێما كوردستانێ د درێژیا نڤیسارا خوه دا به‌حس ل وێ یه‌كێ ژی كریه "ئه‌ڤ جڤینه دووه‌م جڤینا مه‌یه پشتی جڤینا دوهی دگه‌ل بالیۆزێ وه‌لاتان و نوینه‌رێ یونامی".
No comments:
Post a Comment