ده‌ستدرێژیا سكسی هاتیه‌كرن ل سه‌ر كچه‌كا 16 سالی ژ ئالیێ 30 زه‌لامان ڤه و داخواز تێ كرن هه‌ر چه‌ند زووتره دڤێت ئه‌و كه‌سه بهێنه سزادان و ئه‌و كچه بگه‌هیته مافێ خوه.
ل ئیسرائیلێ ده‌ستدرێژیا سكسی ژ ئالیێ 30 زه‌لامانڤه لسه‌ر كچه‌كا 16 سالی هاتیه‌كرن و ل گۆڕه‌ی زانیاریێن پولیسان، دوو ژ وان ده‌ستدرێژكاران ده‌سته‌سه‌ركرنه و ئێكی ژ وان بو پولیسان گوتیه، ئه‌وان 30 زه‌لامان ده‌ستدرێژی نه‌كریه سه‌ر به‌لكو كچێ خواستا وێ یه‌كێ هه‌بوه.
هه‌ر ل گۆڕه‌ی وان زانیاریێن مه‌دیایێن ئیسرائیلێ به‌لاڤكرین، ته‌مه‌نێ وان هه‌مو زه‌لامان د 20 سالیێ دایه و خه‌لكێ ئیسرائیلێ نه.
كچا 16 سالی دگه‌ل هه‌ڤاله‌كا خوه ل ده‌ستپێكا مه‌ها ئابێ سه‌ره‌دانا جهه‌كێ گه‌شتیاری ل باشوورێ وی وه‌لاتی كریه، رۆژه‌كێ دگه‌ل هه‌ڤالێن خوه چوه ده‌رڤه و مژیلی خوارنا ماددێن كحولی بونه، ل ده‌ما زڤرینی بو ئوتیلا خو، دهێت گوتن ژماره‌یه‌كا زه‌لامان هێرشكریه سه‌ر وی كچێ و ده‌ستپێكێ بێ هوشكرینه و پاشان ئێكی ل دیف ئیكی ده‌ستدرێژیا سكسی كریه سه‌ر.
مه‌دیایێن ئیسرائیلی د چیروكا وێ كچێ دا به‌حس ل وێ یه‌كێ ژی كرنه، هه‌ڤالا وێ كچێ بزاڤكرینه پارێزگاریێ لێ بكه‌ت به‌لێ ژبه‌ر زوریا زه‌لامان نه‌شیایه.
بنیامێن نه‌تانیاهوو، سه‌رۆك وه‌زیرێن ئیسرائیلێ ده‌ستدرێژیا وان زه‌لامان شه‌رمزاركریه و ب كاره‌ك نه‌مروڤاتی ب ناڤكریه، هه‌ڤده‌م گوتیه‌ژی "ئه‌ڤه تاوانه‌كه نه بتنێ دژی ئه‌وێ كچێ به‌لكو دژی ته‌مامیا مرۆڤایه‌تیێ یه".
No comments:
Post a Comment