پرس بادینی
نه‌رازیونێن ڤان دوماهیا یێن مووچه‌خورێن هه‌رێمێ د مه‌دیایێن جیهانی دا ده‌نگڤه‌دان دروستكریه، د وی چوارچوڤی دا كه‌نالێ جه‌زیره د راپورته‌كێ دا لسه‌ر مووچه‌یێ مووچه‌خورێن هه‌رێمێ ب ناڤونیشانێ 30سال ژ خورێڤه‌برنێ مووچه‌خورێن هه‌رێمێ داخوازێ دكه‌ن مووچه‌یێ وان بچیته سه‌ر ب به‌غدا ڤه.
د به‌شه‌كێ راپورتا جه‌زیره‌دا به‌حس ل وێ یه‌كێ دكه، 500 هه‌زار مووچخورێن بندیوار ل هه‌رێما كوردستانێ مووچه‌ی وه‌ردگرن.
جه‌زیره زیانیاری ژ په‌رله‌مانتاره‌كێ كورد ل به‌غدا وه‌رگرتنه و رادگه‌هینیت "سه‌رجه‌مێ ملیونه‌ك و 250 هه‌زار مووچه‌خوران ل هه‌رێما كوردستانێ، نێزیكی 500 هه‌زار بندیوارن و ته‌نێ 750 هه‌زار كارمه‌ندێن راسته‌قینه‌نه".
رێبوار كه‌ریم په‌رله‌مانتارێ كورد ل به‌غدا ژ بوی جه‌زیره گوتیه چاره‌سه‌ریا راستی یا ئاریشا مووچه‌یێ فه‌رمانبه‌رێن هه‌رێمێ دڤێن مووچه‌ی بكه‌ڤیته سه‌ر وه‌زاره‌تا دارای یا عیراقێ و راسته‌وخو ب رێكا هه‌ژمارا به‌نكی ب سه‌ر واندا بهێته دابه‌شكرن.
رێبوار كه‌ریم ئه‌ویه‌ك ژی روونكر و بنمونه ئینایه كو ژماره‌یه‌ك ژ فه‌ه‌رمانگه‌هان مووچه‌یێ وان سه‌ر ب عیراقێ ڤه‌یه بێ چو ئاریشه‌یه‌ك مووچه‌یێ خوه وه‌ردگرن، ئاشكراژی كر وه‌زاره‌تا دارای یا عیراقێ ئاماده‌ی یا خوه نیشاندایه ژ بوی وه‌رگرتنا مووچه‌یێ فه‌رمانبه‌رێن هه‌رێمێ، ب وی مه‌رجی حكومه‌تا هه‌رێمێ لیسته‌كا روون و راستی یا مووچه‌خوران هه‌بیت.
No comments:
Post a Comment