مه‌سرور بارزانی، سه‌رۆك وه‌زیرێن هه‌رێما كوردستانێ، ئه‌ڤرۆ ئێك شه‌مبی 16ی ئابا2020ێ راگه‌هاند، كو په‌یوه‌ندیه‌كا تله‌فونی دگه‌ل مسته‌فا كازمی سه‌رۆك وه‌زیرێن عیراقێ ئه‌نجامدایه و بریار هاتیه دان كوژمێ 320 ملیار دیناران ژ بودجه‌یا هه‌رێمێ بشینه.
مه‌سرور بارزانی، سه‌رۆك وه‌زیرێن هه‌رێما كوردستانێ، د تویته‌كێ دا ل هه‌ژمارا خوه‌یا تایبه‌ت راگه‌هاند "ئه‌ڤرو پشتی په‌یوه‌ندیه‌كا تله‌فونیا مه دگه‌ل مسته‌فا كازمی، ب خوشحالی ڤه رادگه‌هینم كو وێ به‌غدا كوژمێ 320 ملیار دیناران وه‌كو ڤه‌گه‌راندنا به‌شێ مه ژ بودجه‌ی بشینه".
ژ لایه‌كێ دنڤه‌ژی ل تورا كۆمه‌لایه‌تیا فه‌یسبوكی، د.رێبوار كه‌ریم، ئه‌ندامێ جڤاتا نوینه‌رێن عیراقێ ل تورا كومه‌لایه‌تیا فه‌یسبوكی راگه‌هاند "به‌غدا ل گۆره‌ی داهاتێ لبه‌رده‌ست، 320 ملیار دینار هه‌تا داویا ئیسال ژ بوی هه‌رێمێ وێ بشینه، پاشان ژی ل گوره‌ی یاسایا بوودجه‌ی یا سالا 2001ێ وێ بریارێ لسه‌ر چاره‌نڤێسێ پشكا هه‌رێمێ بده".
د. رێبۆار كه‌ریم ئاماژه ب وێ یه‌كێ ژی كری "هه‌رێم رازیبوه دیوانا چاڤدێریا دارای و ده‌سته‌یا خالێن ده‌رازینكێن عیراقێ بهینه دناڤا ده‌رازینكێن هه‌رێما كوردستانێ دا و نیڤا داهاتێ گومركان ته‌سلیمی به‌غدا بكه‌ن".
No comments:
Post a Comment