پرس بادینی
چاڤكانیه‌كا ئه‌منی ل پارێزگه‌ها به‌غدا راگه‌هاند، ئێڤاریا ئیروو دووشه‌مبی ل ده‌ما ڤه‌كشیانا هێزێن وان ل سه‌ربازگه‌ها تاجی ل باكوورێ باژێرێ به‌غدا، بومبه‌كا چاندی ب كاروانێ سه‌ربازی یێن سه‌ر ب هه‌ڤپه‌یمانێن ناڤده‌وله‌تی ڤه په‌قی.
وێ چاڤكانیا ئه‌منی به‌حس ل وێ یه‌كێ نه‌كر كا چ زیانێن گیانی ل وێ روودانێ هه‌بون یان نه، به‌لێ زیان گه‌هشتنه ترومبێلا وی كاروانی.
ئه‌ڤه د ده‌مه‌كێ دایه، ل حه‌فتیا بووری ژماره‌یه‌كا بۆمبێن چاندی ل چه‌ند ده‌مه‌كێن جیاواز دا ب كاروانێن هه‌ڤپه‌یمانیا ناڤده‌وله‌تی و هێزێن ئه‌مریكی ڤه په‌قینه.
هه‌ڤده‌م ئه‌ڤرۆ ئێكشه‌مبی هێزێن هه‌ڤپه‌یمانا ناڤده‌وله‌تی دژی رێكخراوا تیروریا داعش راگه‌هاند "ژ ئه‌ڤرو پێڤه رولێ وان د عیراقێ دا وێ پێشكێشكرنا زانیاری و راۆێژان به، پشتراست ژی كریه كو بنگه‌هێ ژماره هه‌شت ل سه‌ربازگه‌ها تاجی راده‌ستی هێزێن عیراقی كریه.
No comments:
Post a Comment