رێڤه‌به‌ریا گه‌شت و گوزارا پارێزگه‌ها دهوكێ ئاگه‌هداریا هه‌مو كومپانی و بریكار و نڤیسینگه‌هێن گه‌شتیاری دكه‌ت كو ئه‌و دشێن گه‌شتیاران بێ پشكنین ژ پارێزگه‌هێن هه‌رێم بیننه پارێزگه‌ها دهوكێ و به‌روڤاژی هه‌روه‌سا، و داخواز دكه‌ت رێكارێن خوپاراستنێ ل به‌رچاڤ بهێنه وه‌رگرتن.
ئه‌ڤه‌ژی ده‌قێ ئاگه‌هداریێ یه:
رێڤەبەریا گشتی یا گەشتوگۆزارێ ل پارێزگەها دهۆکێ ئاگەهداریا هەمی کۆمپانی و بریکار و نڤیسینگەهێن گەشتیاری یێن پارێزگەها دهۆکێ دکەت کو ژ ئەڤرۆ 23/8/2020 دشێن گرۆپێن گەشتیاری ژ پارێزگەهێن (هەولێر، سلێمانی، حەلەبجە) بیننە پارێزگەها دهۆکێ و بەرۆڤاژی ژ پارێزگەها دهۆکێ ژی ببنە پارێزگەهێن ناڤهاتی بێ کو پشکنینا کۆرۆنایێ ل زالگەهان بۆ گەشتیاران بهێتە ئەنجامدان.
هیڤیدارین ل دەمێ گەشتکرنێ پێگیری ب رێنمایێن ساخلەمیێ بهێتە کرن بۆ خۆ پاراستن ژ ڤایرۆسێ کۆرۆنایێ.
No comments:
Post a Comment