پرس بادینی
مستەفا کازمی سەرۆک وەزیرێن عیراقێ ڕاگەهاند، کو ئەوی دڤێت پەیوەندیەکا بهێز دگەل سعودیێ دا دروست بکەت ژبەر هندێ ڕیازێ ب هەڤبەشا ڕاستی یل بەغدا دزانیت.
ئەڤرو پێنج شەمبی ٢٧ی ئابا ٢٠٢٠ێ مستەفا کازمی، سەرۆک وەزیرێن عیراقێ ل بەغدا پێشوازی ل ئەمیر فەیسەل بن فەرحان، وەزیرێ دەرڤەیێ سعودیێ کر.
نڤیسینگەها ڕاگەهاندنا ئەنجومەنێ وەزیرێن عیراقێ دەربارەی جڤینێ ڕاگەهاندنەک بەلاڤکر و ڕاگەهاند کازمی گوتیە وەزیرێ دەرڤەیێ سعودیێ "دڤێت ئەو کار ب رێککەفتنا دناڤبەرا واندا بکەن و هەڤبەشیەکێ دروست بکەن کو مفایێ وەلاتیێن هەردوو ئالیا تێدا بیت".
کازمی بەحسا وێ یەکێ ژی کریە کو عیراقێ و سعودیێ پەیوەندیێن مێژووی هەنە و کار ژ بوی بهێزکرنێ ژی دکەن ل داهاتیدا.
لبەرامبەر وێ یەکێ ژی وەزیرێ دەرڤەیێ سعودیێ ڕاگەهاند، وەلاتێ وی چاڤەرێیا سەرەدانا مستەفا کازمی یە و گەلەک بابەتێن گرنگ و کارێن هەڤبەش هەنە ژ بوی گوتوبێکرنێ.
سەرەدانا وەزیرێ دەرڤەیێ سعودیێ ژبەی بەغدا بو ئامادەکاریانە ژبوی سەرەدانا کازمی بو ڕیازێ، کو بریاربو کازمی بەری سەرەدانا ئیرانێ بکەت سەرەدانا سعودیێ بکەتن، بەلێ ژ بەر تێکچونا ڕەوشا تەندروستیا شاهـ سەلمان سەرەدان هاتە هەلوەشاندن.
No comments:
Post a Comment