"هه‌تا سه‌دام ژناڤ نه‌چوی كه‌سی نه‌دزانی هوین ل كیڤه‌نه‌ هه‌وه‌ نه‌دوێریا بهێنه‌ كوردستانێ" - پرس بادینی

إعلان فوق المشاركات

"هه‌تا سه‌دام ژناڤ نه‌چوی كه‌سی نه‌دزانی هوین ل كیڤه‌نه‌ هه‌وه‌ نه‌دوێریا بهێنه‌ كوردستانێ"

"هه‌تا سه‌دام ژناڤ نه‌چوی كه‌سی نه‌دزانی هوین ل كیڤه‌نه‌ هه‌وه‌ نه‌دوێریا بهێنه‌ كوردستانێ"

 پرس بادینی


د.فایه‌ق گۆڵپی


بابێ من ل سالا 1963/8/12 شه‌هید بوو، مامێ من ل سالا 1977ێ ل قه‌سابخانا میسل سێداره‌دان، برایه‌كێ من ل سالا 1981ێ د شه‌رێ براكوژیێ دا شه‌هیدبوو، ده‌یكا من و برایه‌كێ من و ژن و زاروكێن وی ل سالا 1988ێ د كێمیابارانا حه‌له‌بچه‌دا شه‌هیدبوون.


به‌لێ هوین، بنه‌مالێن هه‌وه‌ سه‌ركردایه‌تیا خه‌باتا چه‌كداری یا باشورێ كوردستانێ كریه‌، ل سالا 1961ێ هه‌تا ئیروو، خوین ژ دفنا ئێك ژ ئه‌ندامێن بنه‌مالێن هه‌وه‌ نه‌هاتیه‌ خوار، چو كه‌س ژ بنه‌مالێن هه‌وه‌ شه‌ره‌فا شه‌هیدبونێ پێ نه‌هاتیه‌ به‌خشین.


به‌لێ باب و باپیرێن هه‌وه‌ چه‌كێ پێشمه‌رگایه‌تیێ ب ملێن خوڤه‌كریه‌ و سه‌ركردایه‌تیا خه‌باتا چه‌كداری ل باشورێ كوردستانێ كریه‌، به‌لێ ئه‌وان و هه‌وه‌ ژی، چه‌ندین كار كرینه‌ ژ بوی به‌ره‌ڤانیكرنێ ل شیانێن خوه‌ و ژ ناڤبرنا باشورێ كوردستانێ‌، هنده‌ زێده‌تر ژی هه‌وه‌ دژایه‌تیا شوره‌شا چه‌كداری یا پارچه‌یێن دن یێن كوردستانێ هه‌ڤكاریا رژێمێن داگیركه‌رێن كوردستانێ كریه‌، ئه‌ز و بنه‌مالامن هه‌مو ده‌مان د به‌ره‌یێ گه‌لدابوینه‌ و دژی خه‌باتا ئازادیخوازا پارچه‌یێن دن یێن كوردستانێ نه‌راوه‌ستیاینه‌.


پشتی راپه‌رینێ هه‌وه‌ و بنه‌مالێن هه‌وه‌ ژ روویێ سیاسی و ئابووری و كومه‌لایه‌تی ڤه‌ هه‌رچ شیایه‌ و نه‌شیایه‌ ب گه‌لێ باشورێ كوردستانێ كریه‌، شه‌رێ براكوژیێ هه‌وه‌ كر، هوین ده‌ستهه‌لاتداربون به‌لێ كه‌سێن سیاسی و چالاكڤانێن جڤاكا سڤیل و روژنامه‌ڤان هه‌وه‌ تیروركرن، هه‌وه‌ ژێرخانا ئابووریا كوردستانێ ژناڤبر، سامانێ سه‌رزه‌مین و ژێرزه‌مین هه‌وه‌ تالانكر و پێشكێشی داگیركه‌ران كر، گر و سه‌یرانگه‌هـ و زه‌ڤێن باش یێن هه‌رێمێ نه‌مان هه‌وه‌ و داروده‌ستێن هه‌وه‌ داگیرنه‌كرن.


ل داویا حوكمێ بنه‌مالێن هه‌وه‌، هوین ده‌ستهه‌لاتدارن، نه‌شێن مووچه‌یێ مه‌هانه‌ یێ فه‌رمانبه‌ران بده‌ن، نه‌شێن كاروبارێ نه‌خوشخانه‌یێن كوردستانێ ب رێڤه‌ ببن، ده‌ستكه‌فتێن ده‌ستوری و سیاسی یێن هه‌رێما كوردستانێ كو ب قوربانیێن گه‌ل و ب خوینا شه‌هیدان ب ده‌ستڤه‌هاتینه‌، ب سه‌ده‌ما سیاسه‌تا هه‌وه‌یا خه‌له‌ت و گه‌نده‌لیا هه‌وه‌ دبن هه‌ره‌شێ و مه‌ترسیێ دایه‌، كه‌ركوك و ناوچه‌یێن ڤه‌قه‌تیای یێن باشورێ كوردستانێ، نه‌به‌س نه‌ڤه‌گه‌ریان سه‌ر ب هه‌رێمێ ڤه‌، به‌لكو زێده‌تر كه‌فتنه‌ به‌ر هه‌ره‌شه‌یێن ب عه‌ره‌بكرنا وان ناوچه‌یان.


هه‌وه‌ ئه‌ویه‌ك كر كو خه‌لك خوزیا ل سه‌رده‌مێ سه‌دامی بخوازیت و چاڤه‌رێیا ده‌ستێ غه‌ریبان بیت داكو ئاریشه‌یێن وان چاره‌سه‌ر بكه‌ن.


هه‌ركه‌سێ داخوازا گهورین و چاكسازیان ژ هه‌وه‌ بكه‌ت، ب موزایده‌یا خه‌باتا پێشمه‌رگایه‌تیێ هوین به‌رسڤێ دده‌ن، هوین نه‌ پێشمه‌رگه‌بوون، هه‌وه‌ بتنێ خه‌باتا پێشمه‌رگایه‌تیێ بو خو داگریكر، خه‌باتا هه‌زارێن وه‌كو من هه‌وه‌ داگیركر، هوین هه‌تا سه‌دام ژ ناڤنه‌چوی كه‌سێ نه‌دزانی هوین ل كیڤه‌نه‌ و هه‌وه‌ نه‌دوێریا بهێنه‌ كوردستانێ.

ئێدی هوین نه‌شێن ب ناڤێ خه‌باتا چیای دژایه‌تیا گه‌ل بكه‌ن، باشترین كار ژ بوی هه‌وه‌ ئه‌وه‌ كو هوین زوترین ده‌م ده‌ست ژ كاری به‌رده‌ن و خه‌لكی بهێلن داكو ئه‌و بخوو چاره‌نڤێسێ خوو دیاربكه‌ن.


No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©