پرس بادینی
بێدەنگ بون لسەر زوڵمکرنێ واتایا رازیبونێ یە بەرامبەر زاڵمی و هاریکاریە ژ بوی زورداری هەڤدەم ئەوێ زوڵمێ قەبول نەکەت و شەری لسەر مافێن خو بکەت، ئەو شەرە بو وی پەرستنە.
ماموستا بیرهات گوتارخوین و بەرپرسێ بازنێ ناڤەندا دهوک یێ هەڤپەیمانیا نشتیمانی د لێدوانەکێ دا ژ بو "پرس میدیا" گوت، مەزنترین پەرستن و جیهاد ئانکو شەرکرن ل پێناڤ بلندکرنا ناڤێ ئیسلامێ یە، ئەو شەهیدە ئەوێ خوینا خو گوری ئیسلامێ دکەتن، ژبەر هندێ ئەوێ زوڵمێ قەبول نەکەتن وەکی وی لێدهێت ئەوێ د شەری دا ژ بوی بلندکرنا ناڤێ ئیسلامێ شەهید دبە، پێغمەمبەرێ مە سلاڤ لێبن دبێژیت، هەر کەسێ لسەر مالێ خو بهێتە کوشتن شەهیدە واتا(زوڵمێ قەبول نەکەت و شەری لسەر مافێن خو بکەت، ئەو شەرە بو وی پەرستنە).
ماموستا بیرهات بەحسا وێ یەکێ ژی کر، کو بێدەنگ بون لسەر زوڵمکرنێ واتایا رازیبونێ یە بەرامبەر زالمی و هاریکاریە ژ بوی زورداری، خودایێ مەزن دبێژیت (وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ)هاریکاریا ئێک و دوو بکەن لسەر باشی و چاکیێ و هشیاربن نەبنە هاریکاری لسەر خرابیێ و زوڵم ڵێکرنێ.
سەرۆک بازنێ دهوک یێ هەڤپەیمانیا نشتیمانی د درێژیا لێدوانا خوەدا ئەو یەک ژی ڕوونکر، کو ئیسلام دینێ ئاشتیێ یە و دگەل هەمو چەرخ و زەمانا دگونجیت، ئەڤ سەردەمەژی نەوەکی سەردەمێت بووریە، ل سەردەمێن بوری ئنقیلاب هەبون و وەکی دیار ئنقیلاب مللەتان خراب دکەن و وێران دکەن، بەلێ پا نها دیموکراتیە و ب دەنگدانێ مللەت دشێن ب ساناهی بگەهنە ئارمانجا خو، ژبەر وێ یەکێ ب دەنگدان و هەلبژارتنێ تو دشێ پەرستنا خوە تەمام بکەی و ئەوان هەلبژێری ئەوین زوڵمێ قەبول نەکەن و مافێ خەلکی مللەتێ خوە ب ڕەنگەکێ تەندروست ددەنە وان، کەواتا توژی بەرپرسی ب وی دەنگێ تو ددەی، ئەگەر تە زالمەک هەلژارت، هەر زوڵما ئەو بکەت توژی پێ گونەهکاری، و بەرڤاژی وێ یەکێ ژی تە باشەک هەلبژارت توژی مفاداری لسەر باشیێت وی.
No comments:
Post a Comment