خوپێشاندان فشارێ دروست دكه‌ن؟ - پرس بادینی

إعلان فوق المشاركات

خوپێشاندان فشارێ دروست دكه‌ن؟

خوپێشاندان فشارێ دروست دكه‌ن؟

 پرس بادینی


پشتی خوپێشاندانێن 17ی شوباتا سالا2011ێ چه‌ندین جاران خوپێشاندانێن كێم كێم هاتنه‌ ئه‌نجامدان به‌لێ ئه‌نجامێن وه‌سا مه‌زن نه‌بوینه‌ و كاریگه‌ریه‌كا وه‌سا لسه‌ر ده‌ستهه‌لاتێ نه‌بویه‌ ژ بوی جێبه‌جێكرنا خواستێن وان، چونكه‌ ئه‌و خوپێشاندانه‌ نه‌ جه‌ماوه‌ری بون، بونمونه‌ خوپێشاندانێن به‌غدا و باشورێ عیراقێ چونكه‌ خوپێشاندانێن جه‌ماوه‌ری بون نه‌ ب ناڤێ چو حزبێن دیاركری بونه‌ ژبه‌روێ یه‌كێ به‌ریێ خه‌لكی شیایه‌ گه‌له‌ك ژ خواست و داخوازیێن خوه‌ ب ده‌ستڤه‌ بینن و ئامانجێن خوه‌ جێبه‌جێ بكه‌ن، د هه‌مان ده‌مدا پێتڤیه‌ ژ بوی خوپێشاندانان زه‌مینه‌ سازی و هه‌ماهه‌نگی بهێته‌ دروستكرن دناڤبه‌را رێكخراو و گروپێن جیاواز دا هه‌تا ببه‌ ده‌نگێ جادێ، هه‌ر ئه‌ڤێ یه‌كێ ژی وه‌كریه‌ به‌شه‌ك ژ حزبێن سیاسی پرسا ئه‌نجامدانا خوپێشاندانێن جه‌ماوه‌ری وه‌كو چاره‌سه‌ر بزانن  و خوه‌ ژ خوپێشاندانان دور بئێخن و بانگه‌شێ بو نه‌كه‌ن.


بریاره‌ روژا چوارشه‌مبی 12ی ئابا 2020ێ ل باژێرێ سلێمانیێ و دناڤا پاركا ئازادیا وی باژێریدا خوپێشاندان دژی دابه‌شنه‌كرنا مووچه‌یێ فه‌رمانبه‌ران وه‌ره‌ ئه‌نجامدان كو ژ لایێ نه‌وه‌ی نوی ڤه‌ بانگه‌شه‌ بو هاتیه‌ كرن.


بوچونا پارتێن سیاسی یێن ده‌رڤه‌ی حكومه‌تێ جیاوازن لسه‌ر ئه‌نجامدانا هه‌مان خوپێشاندان و بوچونا به‌شه‌ك ژوان وه‌سایه‌ ئه‌ڤ خوپێشاندانه‌ بتنێ نمایشه‌كا حزبی یه‌ و ئامانجا وێ نه‌ ب ده‌ست خستنا خواستێن هه‌ولاتیانه‌ به‌لكو ئامانجا وێ بتنێ نمایشه‌كا حزبی یه‌.


دلشاد تالب بابانی ل هه‌ڤپه‌یمانیا نشتیمانی دبێژه‌ ئه‌و خوپێشاندانا كو بریاره‌ ل روژا چوارشه‌مبی وه‌ره‌ ئه‌نجامدان نه‌ خوپێشاندانه‌كا جه‌ماوه‌ری یه‌، دگه‌ل وێ یه‌كێ ژی راوێژ و زه‌مینه‌ بو نه‌هاتنه‌ رێكخستن و سازكرن دگه‌ل گروپ و حزبێن سیاسی و ده‌سته‌ و رێكخراوان.


دلشاد تالب به‌حس ل وێ یه‌كێ ژی دكه‌ كو ئه‌و وه‌سا دبینن ئه‌و جهێ خوپێشاندان لێ وه‌ره‌ ئه‌نجامدان نه‌یێ گونجای یه‌ و نه‌شێن كاریگه‌ریێ دروست بكه‌ن.


دگه‌ل وێ یه‌كێ ژی باوه‌ریا وی وه‌سایه‌ ژ بوی ئه‌نجامدانا خوپێشاندانه‌كا كاریگه‌ر پێتڤیه‌ خوپێشانده‌ر بچنه‌ به‌ر ده‌رگه‌هێ ئه‌وان حزبێن به‌رپرس ژ ڤێ ره‌وشێ و به‌ژدارن د حكومه‌تێ دا.


د هه‌ر خوپێشاندان و نه‌رازیبونه‌كێ دا كو حكومه‌ت هه‌ست ب فشارێ بكه‌ت، وێ گومانان لسه‌ر ئه‌نجامدانێ دروست بكه‌ت و ب ده‌ستێن ده‌ره‌كی یانژی ب ده‌ستێ لایه‌نێن سیاسی تومه‌تبار دكه‌ت، به‌لێ ب بوچونا ئه‌ندامه‌كێ مه‌كته‌ب سیاسیا حزبا شیوعی پێتڤیه‌ حزب بخوه‌ خوپێشاندانان رێكبێخن.


ئه‌بو كاروان ئه‌ندامێ مه‌كته‌ب سیاسیا حزبا شیوعی دبێژه‌ پێتڤیه‌ حزب خوپێشاندانان ئه‌نجامبده‌ن، ئه‌و ئه‌ركێ سه‌ره‌كیێ حزبانه‌ به‌لێ پێتڤیه‌ ئامانجێن خوپێشاندانێ ئامانجێن گشتی بن نه‌وه‌ك ئامانجێن حزبی بن.


هه‌مان ئه‌ندامێ مه‌كته‌ب سیاسیێ حزبا شیوعی دبێژه‌، د نهادا خه‌لك گه‌له‌ك توره‌یه‌ ژ حكومه‌تێ، مووچه‌ نینه‌ ره‌وشا ئابووری یا خه‌لكی گه‌له‌ك خرابه‌، هه‌ولاتی ل دیف ده‌رفه‌ته‌كێ دا دگه‌رن نه‌رازیبونا خوه‌ دیاربكه‌ن، ژ به‌ر وێ یه‌كێ هه‌ر خوپێشاندان و نه‌رازیبونه‌ك هه‌به‌ وێ به‌ژدار ببن.


ئه‌بو كاروان گوت ژی خه‌لك ژ ئه‌دائا حزبان ب گشتی و ئۆپۆزسیونێ ب تایبه‌تی نه‌رازی یه‌ و هه‌ر ئه‌وێ یه‌كێ ژی وه‌كریه‌ كو بێ ئومێد ببن به‌رامبه‌ر هه‌ر پێنگاڤه‌كێ كو حزبان بڤێت ب هاڤێژن، ئه‌گه‌ر ئه‌م سه‌رنجێ بده‌ینه‌ ئه‌وان نه‌رازیبونێن تا نها هاتین ئه‌نجامدان كاریگه‌ریه‌كا وه‌سا لسه‌ر حكومه‌تێ دروست نه‌كریه‌، شاره‌زایێن ڤی بواری ژی وه‌سا به‌حس لێ دكه‌ن كو سه‌ده‌ما كومنه‌بونا نه‌رازیان و خرابیا جهێ خوپێشاندانانه‌.


رێبین هه‌ردی نڤیسه‌ر و روژنامه‌ڤان وه‌سا دبینه‌ كو نها جڤاكێ كوردی دابه‌شبوه‌ ب سه‌ر حزبانده‌ ئه‌ڤێ دابه‌شكرنێ ژی كاریگه‌ریین خراب لسه‌ر جڤاكی دروستكرینه‌.


رێبین هه‌ردی دبێژه‌ دناڤا پارتی ژی دا خه‌لك هه‌یه‌ بڤی سیسته‌می و حكومرانیێ نه‌رازی یه‌ به‌لێ ئه‌وێ دابه‌شكاریا خراب دروستبوه‌ و ئه‌و ده‌نگێن هه‌ی ب ڤه‌شارتی مانه‌.


بریاره‌ هه‌ر ئه‌ڤرو ئیڤاری ئه‌نجومه‌نێ فشار ل باژێرێ سلێمانیێ راگه‌هاندنه‌كێ لسه‌ر خوپێشاندانێن روژا چوار شه‌مبی به‌لاڤبكه‌ت و هه‌لویستێ خوه‌ دیاربكه‌.


ئه‌نجومه‌نێ فشار ل باژێرێ سلێمانیێ پێكهاتیه‌ ل ژماره‌یه‌كا چالاكڤان و ماموستا و كه‌سایه‌تیێن بێلایه‌ن، ئامانجا وی رێكخستنا چالاكیێن مه‌ده‌نی یه‌ ژ بوی دروستكرنا فشاران لسه‌ر حكومه‌تا هه‌رێما كوردستانێ ژ بوی جێبه‌جێكرنا داخوازیێن وان.

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©