دەستێ دەرەکی؟ - پرس بادینی

إعلان فوق المشاركات

دەستێ دەرەکی؟

دەستێ دەرەکی؟

 

پارێزەر : خەتاب عمر

ئەو لێدوانا شەرمنانە ئەوا کۆ بەردەوام بەرپرسێن ئەمنی و ئیداریێن ڤێ هەرێمێ ددەن کۆ دەستێ دەرەکی ل پشت بویەرێن نەرازیبونانە ئەڤان خالان ڤەدگریت.


یەکەم . دانپێدانەکا راستەوخویە کو ئەو دەزگەهێن ب ناڤ ئەمنی شایەنی پاراستنا نشتیمانی نینن ژبەرکو بەردەوام ب دانپێدانا وان دەستێن دەرەکی دناڤ ڤی نشتیمانی دا هەنە و مەترسینە ل سەر ئاسایشا مە و وان پێ چێنابیت مە بپارێزن.


دووەم : ئەگەر مەبەستا وان ئەوە لایەنگرێن حزبێن دی ژ بلی حزبێن وان دەرەکی نە ئەو لوی دەمی دانپێدانە کۆ سازیێن حزبینە و شایەنی رێزێ نینن و هاولاتی و پاراستنا هاولاتی بو وان گرنگ نینە ژبلی ئەندام و لایەنگرێن وان.


سێیەم : ئەگەر مەبەستا وان ئەوە کۆ دەستێ دەرەکی ئەون ئەوێن هوشیار و فێری سەرشوری و مافخارنێ نەبوین و بێ  دەنگ نابن ل ڤی دەمی ئەڤ سازی یە یێ هەولا دروستکرنا نڤشەکێ چاڤ شور دکەن و ئەڤە ژی مەترسی یە ل سەر پاشەروژێ و دروستبونا نشتیمان و سازیێن دیموکراتی ل گور پیڤەرێن سەردەم و کوشتنا غیرەتا بەرهەنگاریێ یە ئەگەر هات و سوبەهی هەرەشە و دەست درێژی ل سەر ئاخ و نشتیمانی هاتە کرن ئەوێ سەرشور و هاتینە بێ دەنگکرن دێ هەر بێ دەنگ و سەرشورتربن.



خواندنەکا راستەقینە یان بابەتێ دەستێ دەرەکی د مێژوو و سەرەدەریا کەتواریدا چ لایەن وەکۆ پارتی و ئێکەتی دەستێ دەرەکی نە ئیناینە و نە بوینە ژ چەک وەرگرتن و پارە وەرگرتن و هەتا ئینانا هێزو بارەگاێن دەست و پێت دەرەکی نەک بتنێ دەستی دەرەکی بێ گومان ب گوتن و دانپێدانێن وان ێت مێژووی و بەردەوام ژی نەڤەشارتینە ل ڤێرێ یان ئەڤان دڤێت ڤێ چەندێ ب ڤێ بەهانەیێ بکەنە تشتەکێ نورمال یان ژی عەقل و تێگەهشتنا وان هندە و هزر دکەن سەردەمێ تالانیا کەرامەتێ یە وەکی د مێژویێ دا ئەنجام دای.


گرتن و راگرتنا چالاکڤان و روژنامەڤانان ب بەهانەیا هاندان و پشێویێ ب ڤی شێوازی ڤەرێژا دەستهەلاتداریەکا ئەمنی عەسکەری یە و وەلاتی بەرەف سیستەم و سازیێن نشتیمانی نابەت تولڤەکرن ژی ل هاولاتی کارێ دەستهەلات و دەستهەلاتدارێن بچویکە و ل دەمێ پێتڤی سزاێن توند دێ پەیداکەن.


نان برین و تالانکرنا نان و ژیارا خەلکی ب دانپێدانا وان یا راستەوخو بەشا هندێ نەدەتێ کومەکا کەسان خرڤە ببن و ب بچوکترین ماف بانگ بکەن ئەم قەبول ناکەین ئێدی ئەڤە نیشانا نڤێسینا دوماهیک لاپەرێن پەرتوکەکا 30 سالی یە و بەهانەێن وان ێن بێ بنەما  دێ ڤێ پەرتوکێ ژی ژناڤ بەت.


ژ لایێ یاسایڤە پرانیا جاران ئەڤ هاولاتی و چالاکڤانێن سیاسی و روژناڤانێن  دهێنە گرتن ناهێنە رەوانەکرن بو دادگەهێ ل ڤێرێ ب روونی دیار دبیت گرتنا وان بێ بریارا دادوەری یە و بەردانا بەشەک ژ وان ب رێککەفتنێن سیاسی و دروستکرنا پەیماننامان ل سەر وان و بەردان جارەکا دی بێ دەدگەه کارەکێ دیێ نەیاسایی یە ئێدی ئەڤە  روونی بێ دەنگیا دادوەر و داواکارێن گشتی و یاساناس دئێخیتە بەردەم پرسیارەکا ئەخلاقی و یاسایی و نەبونا هەلویستی ل سەر رەوشا نها یا هاولاتیان و بێ دەنگ بوون ل سەر بن پێکرا یاسا و دادگەهان ئەو پەری شەرمەزار ی و بێ دەستهەلاتی یە.



No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©