حامد بن عیسا ئه‌لخه‌لیفه شاهێ به‌حره‌ینێ پیروزباهی ل محه‌مه‌د بن زیاد شاهزادێ جهنشینێ ئیماراتێ كر، ب هه‌لكه‌فتا رێككه‌فتنناما ئاسایكرنا په‌یوه‌ندیان دناڤبه‌را ئیمارت و ئیسرائیلێ دا، ئه‌ڤ یه‌ك ب "سه‌ركه‌فتنا مێژووی" بناڤكر.
ئاژانسا نووچه‌یێن به‌حره‌ین BNA به‌لاڤكریه، حامد بن عیسا و محه‌مه‌د بن زیاد په‌یوه‌ندیه‌كا ته‌له‌فونی ئه‌نجامدایه.
د په‌یوه‌ندیا تله‌فونی دا بن عیسا پیروزباهی ل شاهزادێ جهنشینێ ئیماراتێ، محه‌مه‌د بن زیاد ب هه‌لكه‌فتا رێككه‌فتنا ئاسایكرنا په‌یوه‌ندیێن ئیمارات و ئیسرائیلێ كریه و ئه‌ڤ یه‌ك ب "سه‌ركه‌فتنا مێژووی" بناڤكریه.
شاهێ به‌حره‌ینێ بانگه‌شه‌یا وێ یه‌كێ كریه كو ئه‌ڤ رێككه‌فتنه پێنگاڤه‌كه ژ بوی په‌یداكرنا ئاشتی و ئارامیێ ل روژهه‌لاتا ناڤین.
- رێككه‌فتننامه‌یا ئاسایكرنا په‌یوه‌ندیان دناڤبه‌را ئیمرات و ئیسرائیلێ دا
دوو روژان به‌ریا نها سه‌روكێ ئه‌مریكا، دونالد تره‌مپ راگه‌هاند كو ئیسرائیل و ئیمارات گه‌هشتنه رێككه‌فتنێ ژ بوی " ئاسایكرنا بته‌مامی یا په‌یوه‌ندیان".
تره‌مپ د هه‌ژمارا خوه‌یا تورا كومه‌لایه‌تیا تویته‌ری دا نڤێسایه "رێككه‌فتننامه‌یا مێژوویا ئاشتیێ دناڤبه‌را ئیسرائیل و دوستێ مه‌یێ باش دگه‌ل ئیماراتێ، به‌ره‌ڤ پێشڤه‌چونه‌كا مه‌زنه".
ژ لایێ خوڤه‌ژی سه‌روك وه‌زیرێن ئیسرائیلێ، بێنیامین نه‌ته‌نیاهو د هه‌ژمارا خوه‌یا تورا كومه‌لایه‌تی دگه‌ل شه‌یركرنا تویته‌رێ تره‌مپی نڤیسایه "رۆژه‌كا مێژووی یه".
ئاژانسا فه‌رمی یا ئیماراتێ ژی WAM به‌لاڤكریه كو هه‌ردوو وه‌لات رێككه‌فتنه ژ بوی دیاركرنا "نه‌خشه‌رێكه‌كا هه‌ڤبه‌ش" ژ بوی دروستكرنا په‌یوه‌ندیان دناڤبه‌را وان دا و ل داهاتی به‌رپرسێن بلندێن هه‌ردوو ئالیا ب مه‌ره‌ما ئیمزاكرنا چه‌ند رێككه‌فتننامه‌یان د بوارێن جیاواز دا وێ بجڤن.
ئیمارات بویه سێ یه‌م وه‌لاتێن عه‌ره‌بی كو رێككه‌فتننامه‌یا ئاسایكرنا په‌یوه‌ندیان دگه‌ل ئیسرائیلێ ئیمزاكری، به‌ریا نها ل سالا 1979ێ مسر و ل سالا 1994ێ ئوردن رێككه‌فتننامه‌یا ئاسایبونا په‌یوه‌ندیان دگه‌ل ئیسرائیلێ ئیمزاكریه.
No comments:
Post a Comment