پێشبینی دهێته كرن وه‌زاره‌تا نافخویا هه‌رێما كوردستانێ به‌یاننامه‌یه‌كا تایبه‌ت ژ بوی رووبرووبونا ڤایروسێ كۆرۆنایێ ده‌ربێخیت.
وه‌زاره‌تا نافخویا هه‌رێما كوردستانێ، رۆژا سێی ئابێ، به‌یاننامه‌یا ژماره 46 راگه‌هاند كو بریارێن وێ چه‌ند خاله‌ك تێدا بون، ئێك ژ خالێن وێ ژی قه‌ده‌غه‌یا هاتن و چونا دناڤبه‌را پارێزگه‌هێن هه‌رێما كوردستانێ و عیراقێ بو.
به‌یاننامه‌یا ژماره 46 كو ل رۆژا چواری ئابێ ل ده‌مژمێر 12ی شه‌ڤ كه‌فته د بوارێ جێبه‌جێكرنێ دا و ئاماژه ب وێ یه‌كێ دكه‌ت، بو ده‌ما 14 رۆژان وێ كار پێوه‌ره‌كرن و ب ڤی ره‌نگی ئه‌ڤروو داوی ده‌ما جێبه‌جێكرنا وێ به‌یاننامێ یه، و پێشبینی دهیته كرن وه‌زاره‌تا نافخویا هه‌رێما كوردستانێ به‌یاننامه‌یه‌كا نوی یا تایبه‌ت ژ بوی رووبرووبونا ڤایروسێ كۆرۆنایێ ده‌ربێخیت".
د به‌یانا ژماره 46 دا هاتبو، چون و هاتنا دناڤبه‌را پارێزگه‌هان دا وێ ب گرتی بمینه و بتنێ برێكا داخوازكرنا ئه‌لكترونی وه‌لاتی دشێن چون و هاتنێ بكه‌ن، هه‌ردیسان به‌شه‌كێ دی یێ به‌یانێ به‌حس ل وێ یه‌كێ دكه‌ت، هه‌مو گه‌شتیار، پارك، كافیتریا، چایخانه، هولێن وه‌رزشی و له‌شجوانیێ و یانه‌یێن شه‌ڤان وێ گرتی بن.
ل ده‌سپێكا به‌لاڤبونا ڤایروسێ كۆرۆنایا نو، حكومه‌تا هه‌رێما كوردستانێ ژماره‌یه‌كا رێكاران گرته‌به‌ر و ئێكه‌م پێنگاڤ ژی قه‌ده‌غه‌یا هاتن و چونا دناڤبه‌را پارێزگه‌هاندابوو، هه‌روه‌سا گرتنا بازار و راگرتنا ده‌واما فه‌رمی یا فه‌رمانگه‌هێن حكومه‌تێ ده‌ست پێكربوو.
No comments:
Post a Comment