پرس بادینی
ل نیوزلاندا دادگه‌ها وی وه‌لاتی بریارا داویێ لسه‌ر زیندانكرنا برینتن هاریس تارانت دده‌ت كو ل سالا ده‌ربازبوی هێرشكریه سه‌ر نڤێژكه‌رێن دوو مزگه‌فتێن وی وه‌لاتی و ب وی سه‌ده‌می ده‌هان نڤێژكه‌ر كوشتن و بریندارببون.
ڕادیوا نیوزلاندا به‌لاڤكر دگه‌ل بكارئینانا رێوشوێنێن ئه‌منی یێن توند رۆنشتنا داویێ ژ قوناغا دادگه‌هكرنا تارانت ل دادگه‌ها بلندا باژێرێ كریستچه‌رچ ده‌ستپێكر و چاڤه‌رێدهێته كرن چوار رۆژان درێژببه و تێدا سزا لسه‌ر وی تومه‌تباری بهێته دیاركرن.
ل گۆڕه‌ی زانیاریێن میدیایا نافخویا نیوزلاندا، تارانت ژ بوی دادگه‌هێ گوتیه ئه‌وی دڤیا ل ده‌ما هێرشكرنێ دا په‌لامارا مزگه‌فته‌كا دن یا وێ ناوچه‌یێ بده‌ت.
ئه‌گه‌رێن زێده هه‌نه تارانت ببیته ئێكه‌م كه‌س ل نیوزلاندا بهێته سزا دان ب سزایێ هه‌تاهه‌تایێ زیندانكرنێ، بێی هه‌بونا چو مه‌رجان، ئه‌ڤه‌ژی د ده‌مه‌كێ دایه ل سالا 1961ێ وی وه‌لاتی سزایێ سێداره‌دانێ ڕاكریه، و زێده‌ترین سزاژی ژ وی سه‌رده‌می هه‌تا نها لسه‌ر تاوانباره‌كێ هاتبیته سزادان سزایێ 30 سالێن زیدانكرنێ بسه‌ر دا هاتیه سه‌پاندن.
ئه‌ڤه‌ژی پشتی وێ یه‌كێ دهێت ل 15ی ئادارا سالا 2019ێ ل ده‌ما نڤێژا ئه‌ینی دا ب چه‌كێ ئوتوماتیكی برینتون تارانت هێرشكره سه‌ر نڤێژكه‌رێن مزگه‌فتا نور و لینوود، ئه‌ڤی كاری ده‌نگڤه‌دانه‌كا مه‌زن لسه‌ر ئاستێ جیهانێ په‌یاكر و د وێ هێرشێدا 51 كه‌س شه‌هیدبون و 49كه‌سێن دنژی برینداربون.
No comments:
Post a Comment