سه‌رۆكێ ده‌سته‌یا ده‌ستپاكیا عیراقێ راگه‌هاند، د ده‌ما دوو سالێن ده‌ربازبوی دا، شیانه زێده‌تری چوار ترلیون دیناران ژ بوی خه‌زینه‌یا حكومه‌تێ ڤه‌گه‌ریننه ڤه.
مه‌زهه‌ر توركی عه‌بدی سه‌رۆكێ ده‌سته‌یا ده‌ستپاكیا عیراقی راگه‌هاند "د دیفچون و ڤه‌كولینێن ده‌سته‌یا وان دا شیانه چه‌ندین كوژمێ داهاتێ گشتی ڤه‌گه‌ریننه ڤه و سه‌رپێچیكاران بده‌نه ده‌ستێ دادگه‌هێ".
ئه‌و یه‌ك ژی روونكریه "سه‌رجه‌مێ گشتیێ ئه‌وی پاره‌یێ بو ده‌ما دوو سالێن بوری رێگری ل هه‌ده‌ردانا وی هاتیه كرن و ڤه‌گه‌راندیه سه‌ر خه‌زینه‌یا ده‌وله‌تی زێده‌تری چوار ترلیون دینا بووه".
به‌حسا وێ یه‌كێ ژی كر، ل سالا 2018ێ دا ده‌سته‌یا وان ب رێكا پێكئینانا لژنه‌یه‌كێ شیانه رێگریێ ل هه‌ده‌ره‌دانا نێزیكی ملیاره‌ك و 600 ملیون دیناران بگرن و هه‌ڤده‌م ل سالا 2019ێ ژی شیانه نێزیكی دوو ترلیون و 800 ملیار دیناران ڤه‌گه‌ریننه ناڤ خه‌زینه‌یا ده‌وله‌تێ".
No comments:
Post a Comment