ب سه‌ده‌ما په‌قينا بۆمبه‌كا چاندی ل سنورێ ناحیا ریازا سه‌ر ب قه‌زا حه‌ویجه‌ڤه ل باشورێ روژئاڤایێ پارێزگه‌ها كه‌ركوكێ، كچه‌ك هاته كوشتن و كچ و كوره‌كێ دن ژی برینداربونه.
جه‌وده‌ت عه‌ساف به‌رپرسێ راگه‌هاندنا میحوه‌رێ باكوری یێ حه‌شدار شه‌عبی راگه‌هاند "ل گوندێ نیونشین سه‌ر ب ناحیا ریازڤه بومبه‌كا چاندی دناڤا كارگه‌هه‌كا كشتوكالیدا په‌قی".
هه‌مان به‌ر پرسێ حه‌شدا شه‌عبی ئه‌و یه‌ك ژی گوت "ب سه‌ده‌ما وێ په‌قینێ كچه‌كتا ته‌مه‌ن 19سالی ب ناڤێ نور ئه‌حمه‌د خه‌لیل هاته كوشتن و كچ و كوره‌ك بناڤێ شه‌رق حه‌دید كو ژیێ وێ 20ساله و ئه‌حمه‌د موخلس ته‌مه‌نێ وی 20 ساله برینداربون".
تێكه‌فتیێن په‌قینێ ژ بوی كارێ كشتوكالی چوبونه كارگه‌هێ و بومبه‌ژی دناڤا كارگه‌ها شتی دا په‌قی یه، ره‌نگه بومبا لسه‌ر ده‌مێ چه‌كدارێن داعشێ بیت.
No comments:
Post a Comment