پشتی ئیماراتێ سێ وه‌لاتێن دی یێن عه‌ره‌بی دڤێن دگه‌ل ئیسرائیلێ رێكبكه‌ڤن.
مه‌دیایێن ئیسرائیلێ ئاشكرا كرن، پشتی رێككه‌فتنا تلئه‌بیب و ئه‌بوزه‌بی سێ وه‌لاتێن دن یێن عه‌ره‌بی دڤێن په‌یوه‌ندیان دگه‌ل ئیسرائیلێ ئاسای بكه‌ن.
مه‌دیایێن ئیسرائیلێ ژ زارده‌ڤێ چه‌ند چاڤكانیێن بلند ژ حكومه‌تا وی وه‌لاتی ئاشكراكرن، به‌شه‌كێ زێده ژ وه‌لاتێن عه‌ره‌بی ئه‌وێ رێككه‌فتنێ ب پێنگاڤه‌كا گرنگ و ئه‌رێنی وه‌سف دكه‌ن و نها ژ هه‌مو ده‌مه‌كێ پتر وه‌لاتێن به‌حره‌ین و مێرنشینا عومان و سودانێ دڤێتن وه‌كو ئیماراتێ په‌یوه‌ندیان دگه‌ل ئیسرائیلێ ئاسای بكه‌ن.
مه‌دیایێ ئه‌و یه‌ك ژی دیاركریه، دیتنا ئه‌وان وه‌لاتان ژ بوی ئیسرائیلێ گهورین ب سه‌رداهاتنه، نها لێپرسێن به‌حره‌ینێ و مێرشینا عومانێ و سودان، ته‌لئه‌بیب ب هه‌ڤپه‌یمانێن نێزیكی خوه دزانن، ب تایبه‌تی ژی ل پێناڤ به‌ره‌ڤانیكرن ل ئه‌زمونا ئیران و توركیا د ناوچێ دا.
جهێ ئاماژێ یه، دوهی پێنج شه‌مبی 2020/8/13 بنیامێن نه‌ته‌نیاهو سه‌رۆك وه‌زیرێن ئیسرائیلێ و محه‌مه‌د بن زاید شاهزادێ جهنشینێ ئه‌بوزه‌بی په‌یوه‌ندیه‌كا ته‌له‌فونی ئه‌نجامدان و لسه‌ر ئاسایكرنا ته‌مامیا په‌یوه‌ندیان دناڤبه‌را وان دا گه‌هشتنه رێككه‌فتنێ، پشتی ڕاگه‌هاندنا رێككه‌فتنێ، دونالد تره‌مپ سه‌رۆكێ ئه‌مریكا رێككه‌فتنا وان ب "مێژووی" ب ناڤكر.
No comments:
Post a Comment