پرس بادینی
میدیایێن نزیك ل پارتی به‌لاڤكرنه، مه‌سرور بارزانی سه‌رۆكێ حكومه‌تا هه‌رێمێ بریارا پاشكه‌فتكرنا مووچه‌یێ سێ مه‌هێن فه‌رمانبه‌رێن هه‌رێما كوردستانێ ده‌ركریه.
ل گۆڕه‌ی زانیاریان ئه‌ڤ بریاره پشتی رێككه‌فتنا دناڤبه‌را حكومه‌تا هه‌رێم و حكومه‌تا عیراقێ وێ هه‌ره د بوارێ جێبه‌جێكرنێ دا، ب وێ یه‌كێ ژی مووچه‌یێ سێ مه‌هێن سالا 2018ێ وه‌كو پاشكه‌فت وێ وه‌ره هه‌ژمارتن.
مه‌سرور بارزانی سه‌رۆكێ حكومه‌تێ ئه‌ڤ بریاره ژ بوی خوه ده‌ربازكرنێ د پرسا پاشكه‌فتنا مووچه‌یێ فه‌رمانبه‌ران كو سێ مه‌هێن ب سه‌ده‌ما كابینه‌یا به‌ری خوه دروست بوه.
دوێ ده‌ربارێ دا میدیایێن پارتی سه‌ده‌ما پاشكه‌فتكرنا مووچه‌یێ وان سێ مه‌ها ژ بوی رێككه‌فتنا هه‌رێم و به‌غدا ڤه‌دگه‌رینن و راگه‌هاندیه "ل گۆڕه‌ی ئه‌وێ رێككه‌فتنا دناڤبه‌را خكومه‌تا هه‌رێم و خكومه‌تا عیراقێ دا ههاتیه كرن، ل هه‌رێما كوردستانێ دڤێت حساباتان پاقژبكه‌ن و مه‌هێن مووچه‌یێ هه‌رێمێ دگه‌ل مه‌هێن مووچه‌یێ عیراقێ بهێنه رێكخستن و ب وی ره‌نگی ئه‌وان سێ مه‌هێن سالا 2018ێ كو ژ ئالیێ كابینه‌یا پێشتر ڤه مووچه نه‌هاتبو دان، ب پاشكه‌فت وێ وه‌ره هه‌ژمارتن".
پێشبینی دهێته‌كرن ل مه‌ها داهاتی فه‌رمانبه‌رێن هه‌رێمێ مووچه‌یێ مه‌ها حه‌فتا سالا 2020ێ وه‌ربگرن نه‌كو یێ مه‌ها چوار.
No comments:
Post a Comment