ماڵپه‌رێ فه‌رمیێ پارتی دیموكراتی كوردستان به‌لاڤكر، مووچه‌یێ سێ مه‌هان یێ فه‌رمانبه‌ران كو ل سالا 2018ێ نه‌هاتنه دان وێ وه‌رن پاشكه‌فتكرن.
چاڤكانیه‌كێ ژ وه‌زاره‌تا دارای و ئابووری یا هه‌رێما كوردستانێ ژ بوی ماڵپه‌رێ فه‌رمیێ پارتی گوتیه "پشتی رێككه‌فتنێ دگه‌ل حكومه‌تا عیراقێ، پێتڤیه مووچه‌یێ سێ مه‌هێن سالا 2018ێ ب پاشكه‌فت بهێته هه‌ژمارتن و مووچه‌یێ هه‌ر مه‌هه‌كێ ژ بوی ئه‌وان مه‌ها به‌ده‌لڤه‌كه‌تن".
هه‌مان چاڤكانی ئاماژه ب وێ یه‌كێ ژی كری، ل گۆڕه‌ی ئه‌وێ رێككه‌فتنا دناڤبه‌را حكومه‌تا هه‌رێما كوردستان و حكومه‌تا عیراقێ دا هاتیه كرن، ل هه‌رێما كوردستانێ دڤێت حیساب بهێته ته‌مامكرن و مه‌هانه مووچه‌یێ هه‌رێمێ دگه‌ل مه‌هانه‌یا مووچه‌یێ به‌غدا وه‌ره رێكخستن و ب وی ره‌نگی سێ مه‌هێن سالا 2018ێ كو ژ لایێ كابینه‌یا به‌رێ ڤه مووچه نه‌هاتنه دان، ب پاشكه‌فت بهێنه هه‌ژمارتن.
چاڤكانیێ ئه‌و یه‌ك ژی روونكر، ل گۆڕه‌ی رێككه‌فتنا دناڤبه‌را حكومه‌تا هه‌رێما كوردستان و حكومه‌تا عیراقێ دا، دڤێت حكومه‌تا هه‌رێمێ ل دیف سیسته‌مێ مه‌هانه‌یێ عیراقێ مووچه‌ی بده‌ت، ئه‌و مووچه ژبوی ئه‌وان مه‌ها بهێنه هه‌ژمارتن، ژبه‌ر وێ یه‌كێ ئه‌و هه‌رسێ مه‌هێن سالا 2018ێ ژ لایێ كابینه‌یا به‌ری ڤه نه‌هاتنه دان، ب كریار پاشكه‌فت كرینه.
No comments:
Post a Comment