بریاره جڤاتا وه‌زیرێن حكومه‌تا هه‌رێما كوردستانێ ژ بوی گفتوگوكرنێ لسه‌ر پرسا مووچه‌یێ مه‌ها سێ بجڤه و تێدار بریارێ لسه‌ر برین یان ژی وه‌كو خو دابه‌شكرنا مووچه‌ی بده.
جڤینا به‌ری نیڤرویا ئیرو چوارشه‌مبی 12ی ئابا 2020ێ وێ ب رێكا ئونڵاین وه‌ره ئه‌نجامدان، د جڤینێ دا وێ بریار ل سه‌ر وێ یه‌كێ وه‌ره‌دان، ئه‌ری مووچه‌یێ مه‌ها سێ وێ وه‌كه مووچه‌یێ مه‌ها دوو ب برینا 21%ێ بیت، یان ژی مووچه‌یێ ته‌مام وێ وه‌ره دابه‌شكرن.
ل گوره‌ی زانیاریان نها وه‌زه‌اره‌تا دارای پاره‌یێ پێتڤی ژ بوی دابه‌شكرنا مووچه‌یێ نیڤا وه‌زاره‌تان ل به‌رده‌سته و چاڤه‌رێ دهێته كرن پشتی جڤینا حكومه‌تێ ده‌ما دابه‌شكرنا مووچه‌یێ مه‌ها سێ وه‌ره راگه‌هاندن.
به‌ریا نها وه‌زاره‌تا دارای و ئابووریا حكومه‌تا هه‌رێما كوردستانێ، نڤێساره‌كا فه‌رمی ئاراسته‌ی فه‌رمانگه‌هێن حكومه‌تێ كربوو هه‌تا لیستێن مووچه‌یان ب برینا 21% بو وان وه‌ره شاندن، به‌لێ پشتی وێ یه‌كێ كاركرن ب وێ نڤێسارێ هاته راوه‌ستاندن.
د هه‌مان ده‌مدا به‌ریا وی ده‌می جوتیار عادل گوته‌بێژێ حكومه‌تا هه‌رێمێ راگه‌هاندبوو بڕینا 21% یا مووچه‌یێ فه‌رمانبه‌ران بتنێ وێ ژبوی مه‌ها دوو به.
No comments:
Post a Comment