پرس بادینی
د په‌یوه‌ندیه‌كا تله‌فونی دا دگه‌ل پارێزگارێ حه‌له‌بچه، سه‌رۆكێ حكومه‌تا هه‌رێما كوردستانێ ئاماژه ب وێ یه‌كێ كر، زوترین ده‌م دوو پروژه ل وی باژێری دێ كه‌ڤنه د بوارێ جێبه‌جێكرنێ دا.
ئه‌ڤرو ئێك شه‌مبی نڤیسینگه‌ها مه‌سرور بارزانی، سه‌رۆكێ حكومه‌تا هه‌رێما كوردستانێ د راگه‌هاندنه‌كێ ده ئه‌و یه‌ك دیاركر، "د په‌یوه‌ندیه‌كا تله‌فونی دا دگه‌ل ئازاد توفیق پارێزگارێ حه‌له‌بچه، ره‌وشا وێ پارێزگه‌هێ گوتوبێژكر و به‌حس ل ئه‌نجامدانا دوو پرۆژه‌یان كر".
ئه‌و یه‌ك ژی روونكر "كو ئێك ژ وان پرۆژان پرا (تووه‌قوت)ه وێ ژ لایێ وه‌زاره‌تا ئاڤه‌دانكرن و نیشته‌جێكرنێ ڤه وه‌ره ئه‌نجامدان و هه‌روه‌سا یێ دووێ ژی (ناوچه‌یا پێشه‌سازیا خوراكی یه) كو ده‌سته‌یا وه‌به‌رهێنانێ وێ ئه‌نجامبده.
ده‌رباره‌ی خوپێشاندان و هێرشكرنا سه‌ر باره‌گایێن حكومه‌تێ ل حه‌له‌بچه، مه‌سرور بارزانی راگه‌هاندیه "خوپێشاندانێن ئاشتیانه و شارستانی مافێ وه‌لاتیانه، به‌لێ سوتن و تێكدانا مولك و مالێ گشتی و وه‌لاتیان، دچیته د خانه‌یا تاوانان دا و پێتڤیه رێكارێن یاسای ل هه‌مبه‌ر وان وه‌رن ئه‌نجامدان".
No comments:
Post a Comment