شانه‌یا راگه‌هاندنا شه‌ری یا عیراقی د راگه‌هاندنه‌كێ دا به‌لاڤكر، دوو موشه‌كێن ژ جورێ كاتیوش دناڤا بنگه‌هه‌كێ سه‌ربازی ل باكوورێ به‌غدا كو هێزێن ئه‌مریكی تێدا جهگیركرینه، كه‌فتیه خوارێ.
ئه‌ڤ هێرشه وه‌كو سێیه‌م هێرشا هه‌مان ره‌نگ دهێته دانان كو كێمتر ژ حه‌فتیه‌كێ دهێنه كرن لسه‌ر ئه‌وی بنگه‌هێ سه‌ربازی كو هێزێن هه‌ڤپه‌یمانێن ناڤده‌وله‌تی و سه‌ربازێن ئه‌مریكی ل عیراقێ تێدا جیگركرینه.
د راگه‌هاندنا شانه‌یا شه‌ری یا عیراقی دا هاتیه، دوو موشه‌كێن ژ جورێ كاتیوش دناڤا بنگه‌هێ سه‌ربازیێ تاجی باكوورێ به‌غدا كه‌فتینه خوارێ، ئاماژه ب وێ یه‌كێ ژی كریه، ئه‌و هه‌ردوو موشه‌ك ژ ناڤچه‌یا راشدیه هاتنه ئاراسته‌كرن.
هه‌روه‌سا ئه‌و یه‌ك ژی روونكریه كو دیار نینه ئه‌وان كاتیوشا زیانێن گیانی و ماددی ل دویڤ خوه‌دا ئینانه، به‌لێ چاڤكانیه‌كا ئاگه‌هدار راگه‌هاندیه كو ل جهێ كاتیوش لێ كه‌فتین خوارێ ئاگربه‌ربون هه‌بویه.
هه‌تا نها چو لایه‌نان ب فه‌رمی به‌رپرسیاره‌تیا خوه لسه‌ر ئه‌نجامدانا ئه‌ڤێ هێرشێ رانه‌گه‌هاندیه.
No comments:
Post a Comment