پرس بادینی
دكتور فایه‌ق گولپی ده‌رباره‌ی ره‌وشا هه‌رێمێ دبیژه "ئه‌ڤێ حكومه‌تا نها یا هه‌رێما كوردستانێ كو ژ لایێ سێ حزبێن سه‌ره‌كی ڤه دهێته ب رێڤه‌برن، ژ هه‌مو ئالیانڤه شكه‌ستن ئینایه، ئاریشا مه‌یا سه‌ره‌كی ژی ئاریشا نه‌ته‌وه‌ی یه".
دكتور فایه‌ق گۆڵپی كه‌سایه‌تیێ سیاسی و شاره‌زایێ ره‌وشا هه‌رێمێ د دیداره‌كا تایبه‌تدا دگه‌ل پرس میدیا به‌حس ل وێ یه‌كێ كر " ئه‌ڤێ حكومه‌تا هه‌رێما كوردستانێ یا كو ژ لایێ سێ حزبێن سه‌ره‌كی ڤه دهێته ب رێڤه‌برن ژ هه‌مو ئالیانڤه شكه‌ستن ئینایه، ئاریشامه نه‌ته‌وه‌ی یه و د چه‌ند سالێن بووریدا به‌شه‌كێ مه‌زن ژ ئاخا كوردستانێ راده‌ستی عیراقێ كرن و نها ژی ژ لایێ هه‌رێمێ ڤه ئاخا كوردستانێ جایه ده‌ستێ توركیا، و ئه‌وژی ب كه‌یفا خوه سیادا وه‌لاتێمه پێشێل دكه‌ت و خه‌لكێ مه دكوژیت، ب حه‌جه‌تا هه‌بونا په‌كه‌كێ، به‌لێ ئه‌ڤانا چو هه‌لویست نینن".
هه‌ر د درێژیا دیدارا خوه‌دا فایق گۆلپی به‌حس ل وێ یه‌كێ ژی كر "ژ ئالیێ ماف و ئازادیانڤه مه دیت ئه‌و یاساێن كو ده‌ردئێخن دژی ماف و ئازادیانه، د ڤان رۆژان دا دڤیان یاسایا رێكخستنا سوشیال میدیایێ ده‌رێخن دژی ئازادی یا میدیایێ، داكو ده‌ما كه‌سه‌ك ره‌خنه‌یه‌كێ بگریت بده‌نه دادگه‌هێ".
دكتور فایه‌ق ده‌رباره‌ی به‌دیلێ خه‌لكی بو نهایا هه‌رێمێ ژی گوتیه "پێتڤیه خه‌لك خوه رێكبێخیت، ئه‌وێن نه‌رازینه پێتڤیه بهێنه رێكخستن، مه دیت د هه‌لبژارتنێن بوریدا رێژه‌یه‌كا گه‌له‌ك كێم یا خه‌لكی به‌ژداریكر، كو نه‌دگه‌هشته 40%ێ ئه‌گه‌ر ئه‌م ته‌زوێرێ ژێ بیننه ده‌ر، ئه‌ڤه‌ژی وێ مانایێ دده كو خه‌لكه‌ك زێده نه‌رازی یه، به‌لێ نه ئێك ده‌نگن و دگه‌ل ئێك و دوو بێ باوه‌رن، بونمونه هه‌ڤپه‌یمانی، كومه‌لا ئیسلامی، ئێكگرتوا ئیسلامی، نه‌وه‌ی نوێ و كه‌سایه‌تیێن دیار، ئه‌ڤه هه‌می ئۆپۆزیسیۆنن و هه‌تا نها پێكڤه كومنه‌بونه و باوه‌ری ب ئێك و دوو نینن، ژبه‌ر وێ یه‌كێ پێتڤیه به‌ریا هه‌ر تشتی ئه‌ڤ بێ باوه‌ریه نه‌مینیت دناڤبه‌را لایه‌نان دا، پاشی به‌رنامه‌یه‌كی دانن كو بشێن به‌رسڤا ڤێ ده‌ستهه‌لاتا فاشل بده‌ن".
وی كه‌سایه‌تیێ سیاسی و شاره‌زایێ ره‌وشا هه‌رێمێ به‌حسا وێ یه‌كێ ژی كر و گوت "هه‌ر لڤینه‌كا چه‌كداری دژی ڤانا دێ بیته سه‌ده‌مێ په‌یدابونا لافاوا خوینێ، ژ به‌ر وێ یه‌كێ ئێك ژ مه‌زنترین ئاریشه‌یێن گه‌لێ كورد شه‌رێ برا كوژیێ یه، ئه‌گه‌ر خه‌باتا چه‌جكداری ده‌ستپێبكه‌ی دووباره دێ شه‌رێ براكوژیێ ده‌ستپێكه‌تن، دگه‌ل وێ یه‌كێ ژی سه‌نگا هێزێ ویچ ب ئالیێ ده‌ستهه‌لاتێ ڤه بشكێ.
No comments:
Post a Comment