ده‌سته‌یا ده‌رازینكێن سنوری یێن عیراقێ به‌لاڤكر داهاتێ ئێك رۆژا ده‌رازینكێن سنوری گه‌هشتیه پێنج ملیار دینارێن عیراقی.
د راگه‌هاندنه‌كێ دا، ده‌سته‌یا ده‌رازینكێن سنوری یێن عیراقێ ئاماژه ب وێ یه‌كێ كر كۆیا گشتی یا ئه‌وی داهاتێ كو دوهی دوو شه‌مبی ژ ده‌رازینكێن سنوری ب ده‌ستڤه هاتی، گه‌هشته پێنج ملیار دیناران".
د هه‌مان راگه‌هاندندا ته‌كه‌ز ل وێ یه‌كێ ژ كریه، زێده‌باری وێ یه‌كێ كو باجا گوركی لسه‌ر گه‌له‌ك كه‌ڵوپه‌لان رابویه ب سه‌ده‌ما هاتنا ڤایروسێ كۆرۆنایێ، به‌لێ دووهی دوو شه‌مبی، داهاتێ سنوری گه‌هشته پێنج ملیار دینارێن عیراقی.
ئه‌ڤه‌ژی د ده‌مه‌كێ دایه كو به‌ریا نها ده‌سته‌یا ده‌رازینكێن سنوری یێن عیراقی، عومه‌ر وائیل راگه‌هاندبوو كو داهاتێ ده‌رازینكێن سنوری ژ بوی مه‌ها ته‌موزا بووری، 100 ملیار دینار بووه.
ژ بلی ده‌رازینكێن سنوری یێن هه‌رێما كوردستانێ، عیراق خودانا نوزده ده‌رازینكێن سنوری یێن هشكاتی یه دگه‌ل وه‌لاتێن جیران، ئه‌و ژی زرباتییە، شەلامجە، مونزەرییە، شیب دگه‌ل ئێران، سەفوان دگه‌ل كوێت تربێل دگه‌ل ئوردن، وەلید دگه‌ل سووریا، عەرعەر و عەرعەری نوێ دگه‌ل سعوودیە.
No comments:
Post a Comment