پرس بادینی
ئێكه‌تیا ئه‌وروپا و به‌ریتانیا هوشداریێ دده‌ن كو ناهێت دیتن بگه‌هنه رێككه‌فتنێ لسه‌ر په‌یوه‌ندیێن دناڤبه‌را وان دا پشتی ده‌رچونا وان ژ وێ ئێكه‌تیێ بتایبه‌تی ژی پشتی وێ یه‌كێ بو ده‌ما حه‌فتیه‌كێ گوتوبێژان پێشكه‌فتن بخوه‌ڤه نه‌دیتیه.
پشتی كو ل رۆژا ئه‌ینی گوتوبێژ راوه‌ستاندن، مه‌زنێ دانوستاندن كارێ ده‌سته‌یێ مایكل بارنیه‌ر راگه‌هاند، دڤێ قوناغێ دا وه‌سا ناهێت دیتن رێككه‌فتن دناڤبه‌را به‌ریتانیا و ئێكه‌تیا ئه‌وروپادا بهێته ئه‌نجامدان، هه‌روه‌سا گوت دڤێ حه‌فتیێ دا گوتوبێژێن مه زێده‌تر به‌ره‌ڤ پاشڤه‌چونه ل شوینا به‌ره‌ڤ پێشڤه بچن.
شیره‌تكارێ به‌ریتانیا ده‌یڤد فروست راگه‌هاند، دڤێ حه‌فتیێ دا مه گوتوبێژێن ب مفا ئه‌نجامدان به‌لێ پێشكه‌فتنه‌كا كێم بخوه‌ڤه دیتن.
هه‌روه‌سا گوت ژی گه‌هشتنا رێككه‌فتنێ هێشتا دهێته‌كرن و ئه‌و یه‌ك ژی ئارمانجا مه‌یه به‌لێ دیاره گه‌هشتن بو ئه‌ڤێ رێككه‌فتنێ ئاسان نابیت.
بارنیه‌ر ل داویێ گوت ژی كو هه‌ر پاشڤه‌مانه‌كا زێده‌تر پشتی مه‌ها 10 وه‌ره مه‌ترسیا مه‌زنتر دئێخیته سه‌ر ده‌رئه‌نجامێن پروسێ، ئه‌ز تێناگه‌هم بوچی ئه‌ڤی ده‌مێ ب مفا ب هه‌روه دبه‌ن.
No comments:
Post a Comment