مالپه‌رێ كه‌ركوك ناو به‌لاڤكر ئه‌و پولیسێن ماموستایێ كورد ل نه‌خوشخانێ ب ته‌ختێ خێزانا وی ڤه گرێداین هه‌تا ل به‌ر چاڤێن وی جانێ خوه ژ ده‌ست دای هاتن ئازادكرن.
ئاهه‌نگ نووری پارێزه‌رێ ماموستا محه‌مه‌د جه‌بار، ئاشكراكر ب بریارا دادگه‌هێ ئه‌و چوار ئه‌فسه‌ر و پولیسێه هاتن ئازادكرن، ئه‌وێن لسه‌ر دوسێیا كه‌له‌مچه‌كرنا ماموستای ب ته‌ختێ خێزانا ویڤه د زیندانێ دابون.
ئاهه‌نگ ته‌كه‌ز لێ كر "دادگه‌هێ ب كه‌فاله‌ت هه‌ر چوار ئازادكرن هه‌تا روژا دادگه‌ها وان وه‌ره".
گوت ژی "ئازادبونا وان ل ژێر چاڤدێریا دادگه‌هێ یه، به‌لێ ئه‌م بێده‌نگ نابین و ئه‌رڤرو سێشه‌مبی 18ێ ئابێ ئه‌مێ تانێ ل بریارا دادگه‌هێ بده‌ین".
ماموستا محه‌مه‌د جه‌بار، ده‌رباره‌ی ئازادكرنا وان چوار تومه‌تباران گوت "ئه‌وا ئه‌ز دزانم ب هه‌ول و ده‌ستێوه‌ردانێن رێكخراوا سه‌ر ب به‌ره‌یێ توركمانی و پشته‌ڤانیا مه‌هدی به‌یاتی، سه‌روكێ رێكخراوا به‌در سێ كه‌س ئازادكرینه".
گوت ژی "رێكخراوا به‌در وه‌كو بابه‌تێكی نه‌ته‌وایه‌تی مامه‌له دگه‌ل ئه‌ڤێ دوسێ كریه و ده‌ستكاریا بابه‌تی كریه "په‌یجێ رێكخراوا حه‌مزه‌لی یا سه‌ر ب به‌ره‌یێ توركمانی ڤه وێنه‌یێ سێ پولیس و وان ئه‌فسه‌ران به‌لاڤكریه كو لسه‌ر هه‌مان دوسێ یه هاتبون ده‌ه‌سته‌سه‌ركرن، به‌لێ ئه‌و كه‌سێ چوارێ یێ كو ده‌ستێ مامه‌ستا محه‌مه‌دی كه‌له‌مچه‌كری د وێنه‌ی دا نینه".
ماموستا محه‌مه‌د جه‌بار، 12ی ته‌موزا ئیسال، لسه‌ر په‌یداكرنا ئوكسجینێ ژ بوی خێزانا خوه كو توشی كۆرۆنایێ ببو، دگه‌ل كارمه‌ندێن نه‌خوشخانێ شه‌ره ده‌ڤ كربو و د وی ده‌می دا ئامیره‌یه‌كێ پزیشكی یێ تایبه‌ت ب هه‌ناسه‌دانێ ڤه شكاندبوو، ژ به‌ر وێ یه‌كێ پولیسان ئه‌و ب ته‌ختێ خێزانا وی ڤه ل نه‌خوشخانێ كه‌له‌مچه‌كربوون، پشتی رۆژه‌كێ خێزانا وی جانێ خوه ژ ده‌ست دابوو ل به‌ر چاڤێن وی.
No comments:
Post a Comment