پرس بادینی
وەزارەتا دەرڤەیا عیراقێ، د ڕاگەهاندنەکێ دا سەرەدانا وەزیرێ بەڕەڤانیا تورکیا ژبوی عیراقێ هەڵوەشاند، کو بریار بوو ڕوژا پێنج شەمبی سەرەدانا بەغدایێ بکە.
د ڕاگەهاندنا وەزارەتا دەرڤەیا عیراقێ دا هاتیە ب سەدەما بۆردۆمانکرنا هێزێن سەر ب زێرەڤانێن سنوری و پێشێلکرنێن بەردەوام یێن سوپایێ تورکیا ژبوی سەر سەروەریا ئاخ و ئەسمانێ عیراقێ ئەڤ سەرەدانە هاتە هەڵوەشاندن.
وەزارەتا دەرڤەیا عیراقێ ڕاگەهاندیە ژی کو ئەوان باڵوێزێ تورکیا ل عیراقێ گازیکریە، ژبوی وێ یەکێ کو ب رێکا وی و ب رەسمی نامەیەکا دلگرانیا حکومەتا عیراقێ بگەهیننە حکومەتا تورکیا، دەربارەی دەست درێژیێن وان بو سەر ئاخ و هەولاتیێن عیراقێ، تایبەت ژی بەرامبەر ئەوان هێرشێن کو ل ڕۆژا دەربازبوی بوسەر زێرەڤانێن سنوریێن عیراقێ.
ئەڤ هەلویستێ وەزارەتا دەرڤەیا حکومەتا عیراقێ د دەمەکێ دایە کو ئێڤاریا ڕۆژا سێ شەمبی ١١ی ئابا ٢٠٢٠ێ ب سەدەما بۆردۆمانکرنا ترومبێلەکا زێرەڤانێن سنوریا سوپایێ عیراقێ، ژ لایێ باڵافرێن تورکیا ڤە ل سنورێ ناحیا سیدەکات، دوو ئەفسەرێن پلەدار یێن زێرەڤانێن سنوری ل عیراقێ کو ب ڕەگەز کوردن، شەهیدبون و ژمارەیەکا سەربازێن دن ژی برینداربون.
No comments:
Post a Comment