پرس بادینی
مسته‌فا كازمی سه‌رۆك وه‌زیرێن عیراقێ په‌یوه‌ندیه‌كا تله‌فونی دگه‌ل سه‌رۆك فراكسیونێ كۆماری ل جڤاتا پیران یێن ئه‌مریكا،میچ ماككۆنێل ئه‌نجامدا و هه‌روه‌سا دگه‌ل نانسی پیلۆسیا سه‌روكێ جڤاتا نوینه‌ران جڤیا.
سه‌رۆك وه‌زیرێن عیراقێ، مسته‌فا كازمی د چوارچوڤێ سه‌ره‌دانا خوه‌دا ژ بوی واشنتۆن په‌یوه‌ندیه‌كا ته‌له‌فونی دگه‌ل سیناتۆرا كۆماری و سه‌رۆكا فراكسیونا كۆماری ل جڤاتا نوینه‌رێن پیران ل ئه‌مریكا، میچ ماككلۆنێڵ ئه‌نجامدا.
نڤیسینگه‌ها سه‌رۆك وه‌زیرێن عیراقێ به‌لاڤكر كو د په‌یوه‌ندیا تله‌فونی دا، ده‌رباره‌ی په‌یوه‌ندیێن دوو قولی دناڤبه‌را عیراق و ئه‌مریكا یێ دا و هه‌روه‌سا چاوانیا بهێزكرنا وان په‌یوه‌ندیان گوتوبێژكرن و زێ>ه‌باری وێ یه‌كێ ژی هه‌ڤكاریێن هه‌ڤبه‌ش دناڤبه‌را هه‌ردوو وه‌لاتاندا د بووارێ فێركرن و ره‌وشه‌نبیریێ ئاخڤینه و د وێ ده‌ربارێ دا ب گرنگی دانه زانین كو پالپشتیێن زێده‌تر لسه‌ر وان هه‌ڤكاریان وه‌ره كرن.
ل گۆڕه‌ی راگه‌هاندنێ، سیناتورێ كۆماری و سه‌رۆك فراكسیونێ كۆماریان ل جڤاتا پیران، میچ ماككۆنێڵ پشته‌ڤانیا خوه ژ بوی ئه‌وان بزاڤێن حكومه‌تا عیراقێ نیشاندایه كو ئارمانجا وێ بده‌ستڤه ئینانا سه‌قامگێریێ یه ل عیراقێ دیاركریه.
هه‌ڤده‌م هه‌ر ئه‌ڤروو كازمی دگه‌ل نانسی پیلۆسی سه‌رۆكا جڤاتا نوینه‌رێن ئه‌مریكا جڤیا، هه‌ر ل گۆڕه‌ی راگه‌هاندنا نڤیسینگه‌ها سه‌رۆك وه‌زیرێن عیراقێ د جڤینێ ده، چاوانیا بیهێزكرنا په‌یوه‌ندیێن دووقولی دناڤبه‌را عیراق و ئه‌مریكا دا گوتوبێژكرینه و ب تایبه‌تی ژی د بووارێ ئه‌منی و ئابووری و فێركرن و دگه‌ل بووارێن دی ژی.
د هه‌مان راگه‌هاندن دا ئه‌ویه‌ك ژی روونكریه كو هه‌ر د ڤێ جڤینێ ده، ده‌رباره‌ی به‌ره‌ڤ پێشڤه‌برنا شیانێن عیراقێ د شه‌رێ دژی تیرور و دگه‌ل دوسێ یا ئاواره و كه‌مینه‌یان ل عیراقێ گوتوبێژكرن.
No comments:
Post a Comment