پرس بادینی
سه‌رۆكێ حكومه‌تا هه‌رێما كوردستانێ و وه‌یزرا به‌ره‌ڤانیكرنا فه‌ڕه‌نسا جڤیان و ده‌رباره‌ی هه‌ره‌شه‌یێن داعش و ده‌ستپێكرنا راهێنانێن هێزێن هه‌ڤپه‌یمانان دگه‌ل هێزێن پێشمه‌رگه‌ی گوتوبێژكرن.
ل گۆڕه‌ی راگه‌هاندنه‌كا جڤاتا وه‌زیرێن هه‌رێما كوردستانێ، ئیڤاریا ئیرۆ پێنجشه‌مبی 27ی ئابا 2020ێ مه‌سرور بارزانی سه‌رۆكێ حكومه‌تا هه‌رێما كوردستانێ پێشوازی ل فلۆره‌نس پارلی وه‌زیرا به‌ره‌ڤانیكرنا فه‌ره‌نسا كر.
د راگه‌هاندنێ دا هاتیه، سه‌رۆكێ حكومه‌تێ سوپاسیا فه‌ره‌نسا كریه ژ بوی پشته‌ڤانیا به‌رده‌واما وی وه‌لاتی ژ بوی هێزێن پێشمه‌رگه‌ی ب تایبه‌تی د ده‌ما شه‌رێ داعش دا.
مه‌سرور بارزانی راگه‌هاندیه، "داعشێ ل گه‌له‌ك ناوچه‌یێن عیراقێ ده‌ست ب هێرشان كریه و بویه هه‌ره‌شه‌یه‌كا جدی بو سه‌ر نیشته‌جێیێن ئه‌وان ناوچا".
هه‌ڤده‌م وه‌زیرا به‌ره‌ڤانیكرنا فه‌ره‌نسا پشته‌ڤانیا وه‌لاتێ خوه ژ بوی هه‌رێما كوردستانێ و هێزێن پێشمه‌رگه‌ی دووپاتكریه و گوتیه، "هیڤیدارین د ده‌مه‌كێ نێزیكدا راهێنانێن هه‌ڤپه‌یمانا دگه‌ل هێزێن پێشمه‌رگه‌ی ده‌ستپێبكه‌نه ڤه كو ژ به‌ر به‌لاڤبونا ڤایرۆسێ كۆرۆنایێ بو ده‌مه‌كێ هاتبونه راوه‌ستاندن".
No comments:
Post a Comment