پرس بادینی
نوینه‌رێ ئه‌نجومه‌نێ فشار بریاردا ل ده‌ستپێكا مه‌ها نه‌هـ خوه‌پێشاندانێن سه‌رتاسه‌ری وێ بریڤه بچن.
ئه‌ڤرو چوارشه‌مبی 19ی ئابێ، نوینه‌رێ ئه‌نجومه‌نێ فشار د كونگره‌یه‌كێ رۆژنامه‌ڤانی دا راگه‌هاند "ئه‌م دێ ل ده‌ستپێكا مه‌ها نه‌هـ خوپێشاندانا سه‌رتاسه‌ری ئه‌نجام بده‌ن ل پێناڤ دابینكرنا ماف و خزمه‌تگوزارێن خوه".
هه‌ر د وی كونگرێ رۆژنامه‌ڤانی دا ئه‌و یه‌ك ژی ئاشكرا كر، ده‌سته‌یا ماموستایێن نه‌رازی ل كه‌ركوكێ پشته‌ڤانیا خوه ژ بوی هه‌ر جوره كومبون و خوه‌پێشاندانه‌كێ دیاركرنه.
ئه‌یوب محه‌مه‌د، ئه‌ندامێ جڤاتا ئه‌نجومه‌نێ ده‌رچویێن نه‌هاتین دامه‌زراندن راگه‌هاند، ب گه‌رم و گور دێ به‌ژداریێ د خوه‌پێشاندانێن مه‌ها نه‌هـ دا كه‌ین.
نوینه‌رێن ئه‌نجومه‌نێ فشار ته‌كه‌ز ل وێ یه‌كێ ژی كرن، ئه‌ڤێ حكومه‌تێ هێزا چاكسازیان نینه.
بریارا خوه‌پێشانانا سه‌رتاسه‌ری د ده‌مه‌كێ دایه، حكومه‌تا هه‌رێما كوردستانێ ده‌ست ب دابه‌شكرنا مووچه‌یێ مه‌ها ئازارێ یێ فه‌رمانبه‌ران دنیڤا دووی یا مه‌ها ئابێ ب لێبڕینڤه كریه.
No comments:
Post a Comment