وه‌زیرێ ده‌رڤه‌یێ ئه‌مریكا، مایك پۆمپیۆ ب فه‌رمی جڤاتا ئاسایشا ناڤده‌وله‌تی لسه‌ر وێ یه‌كێ ئاگه‌هداركریه كو وه‌لاتێ وان میكانزمێن سه‌پاندنا سزایان بسه‌ر ئیرانێ دا snapback بكاربینیت.
پۆمپیۆ ل باره‌گایێ گشتیێ نه‌ته‌وه‌یێن ئێكگرتی ل نیویورك د كونگره‌یه‌كێ رۆژنامه‌ڤانیدا به‌رسڤا رۆژنامه‌ڤانان دایه.
مایك پۆمپیۆ راگه‌هاند كو ب فه‌رمی جڤاتا ئاسایشا ناڤده‌وله‌تی لسه‌ر وێ یه‌كێ ئاگه‌هداركریه كو وه‌لاتێ وان میكانزمێن سه‌پاندنا سزایان ب سه‌ر ئیرانێدا snapback بكاربینیت.
ته‌كه‌ز ل وێ یه‌كێ ژی كریه كو د ده‌ما 30 رۆژاندا وبَ سزایان ب سه‌پینن بسه‌ر ئیرانێ دا و گوت "په‌یاما مه گه‌له‌ك روونه، ئه‌مریكا چ ده‌ما رێكێ ناده‌ت، ئه‌و ده‌وله‌ته مه‌زنترین پشته‌ڤانا تیرورێ یه ب ئازادی فڕۆكه، تانك، مووشه‌ك و چه‌كێ كلاسیكی بفروشیت و بكریت".
ناڤبری روونژیكر لسه‌ر وێ یه‌كێ كو ئه‌مریكا ل ڤان دوو سالێن داویێ دا بزاڤا وێ یه‌كێ كریه ب رێكا دیپلۆماتی سزایێ چه‌كی ب سه‌ر ئیرانێ دا بسه‌پینیت به‌لێ ژبلی ب كارئینانا snapback بژارده‌یه‌كا دنژی هه‌یه.
پۆمپیۆ ب ئاماژه دان لسه‌ر وێ یه‌كێ كو ئیران هه‌ره‌شه‌یه‌كا جدیا ئه‌منی یه هه‌م بو خه‌لكێ وه‌لاتێ خوه و هه‌م ژی بو وه‌لاتێن ناوچێ مه‌ترسیه.
پۆمپیۆ ئه‌و یه‌ك ژی گوت "رێككه‌فتنا تاكلای یا ئه‌تومی، ئاسایشا ئه‌مریكا نه‌پاراست. ئه‌ڤێ رێككه‌فتنێ ئاشتی ل رۆژهه‌لاتا ناڤین ب ده‌ستڤه نه‌ئینایه هه‌ڵسوكه‌فتێ رژێمێ نه‌گوهارتیه".
پۆمپیۆ د وێ په‌یامێدا ژ بوی جڤاتا ئاسایشا ناڤده‌وله‌تی نڤێسایه و ته‌كه‌ز ل وێ یه‌كێ كریه كو ئیران پابه‌ند نه‌بوه ب مه‌رجێن رێككه‌فتناما ئه‌تومی و ب پێتڤی زانییه سزایان ب سه‌ر ئیرانێ دا بسه‌پینیت.
No comments:
Post a Comment