سه‌ركۆنسولێ توركیا ل هه‌ولێرێ راگه‌هاند، د ئه‌ڤ ساله‌دا زێده‌باری هه‌بونا ڤایرۆسێ كۆڕۆنایێ ئاستێ بازرگانیا مه گه‌هشته نێزیكی پێنج ملیار دولاران.
هاكان كاراچای سه‌ركونسۆلێ توركیا ل هه‌ولێرێ راگه‌هاند، ژ 1ی ئادارا2020ێ بو ده‌مه‌كێ كارێ مه‌یێ بازرگانی دگه‌ل عیراقێ راوه‌ستیا به‌لێ پشتی هنگی بازرگانیا ڤان هه‌ردوو وه‌لاتان لڤین ب خوه‌ڤه دیتیه.
سه‌ركونسوڵێ توركیا راگه‌هاند ژی، ل ده‌ست پێكا مه‌ها ئادارێ دا ژ به‌ر ڤایرۆسێ كۆرۆنا بازرگانی لاواز ببو و دگه‌ل ده‌ستپێكرنا بازرگانیێ بێ به‌ركه‌فتن (گهورینا شوفێرێن بارهه‌لگران لسه‌ر سنوری) گه‌شبون ب خوه‌ڤه دیت.
هاكان كاراچای گوت ژی "پشتی ده‌ستپێكرنا بازرگانیا بێبه‌ركه‌تن جاره‌كادی بازرگانی گه‌شبویه‌ڤه و د نهادا قه‌باره‌یێ بازرگانیێ نێزیكبویه ل ئاستی به‌ریا كۆرۆنایێ، د نهادا روژانه 1350-1400 بارهه‌لگران دهێنه عیراقێ، ب ڤێ یه‌كێ ژی داهاتێ مه د گه‌هیته چوار ملیار و 800 ملیۆن دولاران.
ل داویێ ژی گوتیه، هیڤی خوازین ئه‌ڤ میكانزمێ نوی ژی نه‌بیته سه‌ده‌ما چ ئاریشه و ئاسته‌نگان و ژمارا بارهه‌لگران ژی زێده‌تر ببن.
No comments:
Post a Comment