بزاڤا نوجه‌با كو به‌شه‌كه ژ گروپێن چه‌كدارێن حه‌شدا شه‌عبی و ژ ئه‌كره‌م كه‌عبی سه‌رۆكایه‌تیێ لێ دكه‌ت، ئیدانا هێرشێن توركیا بو سه‌ر ئاخا هه‌رێما كوردستانێ دكه‌ت و دبێژیت "به‌رپرسیاره‌تیا پاراستنا ئه‌وێ ناوچێ د ستویێ پێشمه‌رگه‌ی دایه، به‌لێ بتنێ بینه‌رێ روودانا یه".
نوجه‌با د به‌یاننامه‌یه‌كێ دا دبێژیت "عیراق د قوناغه‌كا مێژووی یا گرنگ دایه، بێ ده‌نگیا ده‌وله‌تێ و بنگه‌هێن فه‌رمی به‌رامبه‌ر داگیركرنا رووبه‌ره‌كێ مه‌زن ژ ئاخا ڤی وه‌لاتی، خرابكرنا مالان و كوچا زوره ملی یا خه‌لكێ وێ ژ لایێ سوپایێ توركیاڤه، كاره‌كێ نه‌یێ مروڤایه‌تی یه".
ئه‌وی گروپێ توندره‌وێ حه‌شدا شه‌عبی كو ژ وان هێزێن نێزیكن ل ئیرانێ دبێژن "هێزێن پێشمه‌رگه‌یێ هه‌رێمی كو به‌رپرسیا به‌ره‌ڤانیكرنا ئه‌وێ ناوچێ د ستویێ وان دا یه، به‌رامبه‌ر ده‌ستێوه‌ردانا سوپایێ توركیا به‌س بینه‌ره، د ده‌مه‌كێ دا هه‌لسوكه‌وتێ وان دگه‌ل هێزێن عیراقی ب ته‌مامی جیاوازه".
نوجه‌با داخوازێ ژ حكومه‌تا عیراقێ دكه ژ بوی به‌ره‌ڤانیكرن ل هه‌رێم و ئێك پارچه‌یا ئاخا عیراقێ، هه‌مو رێكارێن دیپلۆماسی، ملی، سه‌ربازی و ئابووری بكاربینیت.
No comments:
Post a Comment