پارێزگارێ دهوكێ راگه‌هاند "هاتن و چونا دناڤبه‌را پارێزگه‌هێن هه‌رێما كوردستانێ دا ئاسای یه و هه‌مو جهێن گه‌شتیاری و كافی و رێستورانت و جهێن دن وێ وه‌رن ڤه‌كرن و چاڤدێریه‌كا هویر دێ لسه‌ر هێته كرن".
عه‌لی ته‌ته‌ر پارێزگارێ دهوكێ د پرێسكونفرانسه‌كێ روژنامه‌ڤانی دا راگه‌هاند "چون و هاتنا دناڤبه‌را پارێزگه‌هێن هه‌رێمێ دا ئاسای یه و هه‌ر دیسان رێك وێ ب وان كه‌سان ژی وه‌ره‌دان ئه‌وێن ده‌واما وان یان بازرگانیا وان ل پارێزگه‌هێن دن یێن عیراقێ بوكو چون و هاتنێ بكه‌نت".
پارێزگارێ دهوكێ ئه‌و یه‌ك ژی راگه‌هاند كو هه‌مو جهێن گه‌شتیاری و كافی و چایخانه و رێستورانت...هتد دێ ل گۆڕه‌ی رێنمایێن خوپاراستنێ هێنه ڤه‌كرن، و چاڤدێریه‌كا هویر دێ لسه‌ر بیت هه‌ر جهه‌ته‌ك پێگری رێنمایێن خوپاراستنێ نه‌بیت وێ وه‌ره سزادان".
ده‌رباره‌ی ده‌رازینكا ئیبراهیم خه‌لیل ژی پارێزگارێ دهوكێ راگه‌هاند "شوفێرێن توركی دێ داخلی هه‌رێما كوردستانێ بن و ئه‌و بخو دێ ترومبێلێن خوه هاژون دا خه‌لكێ مه‌یێ دیتر وه‌كو خودانێن دوكانا و ئوتێل و خارنگه‌هـ و ب گشتی خه‌لك مفای لێ ببینیت".
ل داویێ داخواز ژ وه‌لاتیان كر پابه‌ندی رێنمایێن خوپاراستنێ بن و كاره‌كێ فه‌رنه‌بیت نه‌ده‌ركه‌ڤن و ئه‌گه‌ر ده‌ركه‌فتن ژی بێ ماسك و ده‌زگورك نه‌ده‌ركه‌ڤن، هه‌ركه‌سێ پابه‌ندی رێنمایان نه‌بیت ژ لایێ مه‌فره‌زێن حكومه‌تێ ڤه وێ وه‌ره سزادان.
No comments:
Post a Comment