ب مه‌ره‌ما ده‌ربڕنا نه‌رازیبونێ به‌رامبه‌ر بێكاری و خرابیا خزمه‌تگوزاریان، هه‌ولاتیان ل باژێرێ ناسریه ل سه‌نته‌رێ پارێزگه‌ها زیقار ل باشورێ عیراقێ، خوه‌پێشاندان ده‌ستپێكرن.
مه‌دیایێن عیراقی به‌لاڤكرن، خوه‌پێشانده‌ران رێكا لبه‌ر سینگێ ئاڤاهیێ ئه‌نجومه‌نێ پارێزگه‌ها زیقار گرتینه و داخوازێ دكه‌ن به‌رپرسێن ئیدارا وی باژێری ده‌ست ژ كار بكێشن.
ل گۆڕه‌ی زانیاریێن مه‌دیایێن عیراقی د خوه‌پێشاندانێ دا، خوه‌پێشانده‌ر داخوازێ دكه‌ن خزمه‌تگوزاریێن ده‌سپێكی و سه‌ره‌كی ژ بوی وان وه‌رن دابینكرن و ده‌رفه‌تێن كاری ژ بوی وان وه‌رن په‌یداكرن، و د هه‌مان ده‌مێ ده داخوازێ دكه‌ن "نازم وائیل"ێ پارێزگار ژ پوستێ وی وه‌ره دوورخستن.
بو ده‌ما زێده‌تری دوو سالانه ناڤ ب ناڤ خوپێشاندانێن هه‌ولاتیێن عیراقێ ل باژارێن ناڤه‌راست و باشورێ عیراقێ دژی گه‌نده‌لی و بێكاریێ ب رێڤه دچن، و ب سه‌ده‌ما ته‌قه‌كرنا هێزێن ئه‌منی ژی ب سه‌دان خوپێشانده‌ر هاتنه كوشتن و ب هه‌زاران ژی بریندار بوونه.
No comments:
Post a Comment