پرس بادینی
محه‌مه‌د حه‌لبوسی سه‌رۆك په‌ڕله‌مانێ عیراقێ، ئه‌ڤرو دوشه‌مبی سه‌رپه‌رشتیا جڤینه‌كا به‌رفره‌هـ كر ده‌رباره‌ی ئاماده‌كاریان ژ بوی ئه‌نجامدانا هه‌لبژارتنێن به‌روه‌خت.
جڤین ب به‌ژداریا جیگرێ دووی یێ سه‌رۆك په‌رله‌مانی و جیگرێ سه‌رۆكێ لژنا یاسای و ئه‌ندامێن كۆمسیۆنا بلندا هه‌لبژارتنان و نوینه‌رێ نه‌ته‌وه‌یێن ئێكگرتی برێڤه‌چوو.
د جڤینێ دا حه‌لبوسی ته‌كه‌ز ل سه‌ر جێبه‌جێكرنا هه‌مو ئاماده‌كاریێن هونه‌ری و كارگێری یێن كو دهێنه درێیا پروسا هه‌لبژارتنێن به‌روه‌خت د عیراقێ دا.
حه‌لبوسی ئاماژه ب وێ یه‌كێ ژی كر، كۆمسیۆنا بلندا هه‌لبژارتنان ئاماده‌كاریان بكه‌ن ژ روویێ لۆجستی ڤه ژ بوی داگرتنا پێتڤیێن كۆمسیۆنێ، هه‌ڤده‌م گوتوبێژا خه‌ملاندنا بودجه‌یێ ته‌رخانكری ژ بوی برێڤه‌چونا هه‌لبژارتنان و ته‌مامیا رێكارێن دابه‌شكرنا كارتا بایۆمه‌تری و دابه‌شكرنێ بسه‌ر وه‌لاتیان دا.
د جڤینێ ته‌كه‌ز لسه‌ر گرنگیا هه‌ماهه‌نگیێ دگه‌ل نوینه‌رێ نه‌ته‌وه‌یێن ئێكگرتی كرن وه‌كو لایه‌نه‌كێ باوه‌رپێكری.
د دیدارێدا تاكید ل پشته‌ڤانیا جڤاتا نوینه‌ران و له‌زلێكرن ژبوی ئه‌نجامدانا رێكارێن یاسای و پاراستنا بێلایه‌نیا كۆمسیۆنا بلند هه‌لبژارتنان و ڤه‌گه‌ریانا باوه‌ریێ ب مه‌ره‌ما به‌ژداریكرنا وان د هه‌لبژارتنه‌كا پاقژدا.
بریاره ل 16ی ته‌مموزا سالا بهێت دا هه‌لبژارتنێن به‌روه‌خت ل عیراقێ وه‌رن ئه‌نجامدا.
No comments:
Post a Comment