بریاردەرێ لژنا دارای ل پەڕلەمانێ کوردستانێ ڕاگەهاند، دەربارەی ئاگەهداربون ل ڕەوشا خاڵێن سنوری و پرسا رێککەفتنا حکومەتا هەرێما کوردستانێ و حکومەتا عیراقێ، وەزیرێ دارای دێ چیتە پەڕلەمانێ کوردستانێ.
محەمەد سەعید، بڕیاردەرێ لژنا دارای ل پەڕلەمانێ کوردستانێ ڕاگەهاند، "ب مەرەما ئاگەهداربون ل ڕەوشا خالێن سنوری کو ئاریشە هەنە، دگەل بەحسکرنا ڕێککەفتنا دناڤبەرا هەولێر و بەغدا، لژنا دارای و کاروبارێ ئابووری یێن پەڕلەمانێ کوردستانێ جڤیایە، د جڤینا داهاتی دا وەزیرێ دارای و وەزیرێ هەرێمێ ژ بوی کاروبارێن بەغدا وێ بەژدار ببن، ئەڤەژی بو پێدانا زانیاریان لسەر رێککەفتنا هەولێر و بەغدا کو ل ڕوژا ١٥ی ئەڤێ مەهێ گەهشتنێ".
گوت ژی، "لژنەیا وان پشتەڤانیا هەر رێککەفتنەکێ دکەت کو ببیتە سەدەم کو مووچەیێ فەرمانبەران بهێتە دان و مافێ مووچەخوران و خەلکێ هەرێما کوردستانێ تێدا لبەرچاڤ وەرگرتبیت، مە دڤێتن د بودجەیا سالا ٢٠٢١دا بەشێ هەرێما کوردستانێ ب دادپەروەری بهێتەدان، هەتا کو مووچەیێ تەمام بهێتەدان و پروژەژی دەست پێبکەن".
بریاردەرێ لژنا دارای ل پەڕلەمانێ کوردستانێ تەکەز ل وێ یەکێ ژی کر، کو ئەو چاڤدێریا خالێن سنوری دکەن و د جڤینێن خوەژی دا گوتوبێژا ڕەوشا خالێن سنوری یێن هەرێما کوردستانێ و داهاتێ ئەوان خالان کریە.
No comments:
Post a Comment