ئاژانسا هه‌واڵگریێ د راگه‌هاندنه‌كێ دا دیاركر، كو ئه‌وان شه‌ش چه‌كدارێن داعش ل سنورێ باشورێ رۆژئاڤایێ پارێزگه‌ها كه‌ركوكێ ده‌سته‌سه‌ركرینه.
ئاژانسا هه‌واڵگریا سه‌ر ب وه‌زاره‌تا نافخویا عیراقێ ڤه راگه‌هاند، هێزێن وان لسه‌ر زیانیاریێن هه‌واڵگریێ و د ئوپه‌راسیونه‌كێ دا شه‌ش چه‌كدارێن داعش ل سنورێ قه‌زا حه‌ویجه ل باشوورێ روژئاڤایێ كه‌ركوكێ ده‌سته‌سه‌ركرینه.
د راگه‌هاندنێ دا هاتیه، ئه‌و شه‌ش چه‌كدارێن داعش د به‌رده‌وامیا بزاڤێن هه‌واڵگریێ دا و ب هه‌ڤكاریا هه‌ولاتیان ده‌سته‌سه‌ركرینه.
به‌حس ل وێ یه‌كێ ژی كریه، ل ده‌ما ده‌سته‌سه‌ركرنا وان چه‌كداران هه‌ڤده‌م ده‌ست ب سه‌ر كومه‌كا ته‌قه‌مه‌نیان دا گرتیه.
هه‌روه‌سا هاتیه ژی چه‌كدارێن ده‌سته‌سه‌ركری ل گۆڕه‌ی مادده‌یێ چوارێ تیرورێ داخاوزكرینه، پشتی وه‌رگرتنا گوتنێن وان، ب مه‌ره‌ما ته‌مامكرنا ڤه‌كولینێ دگه‌ل وان هاتنه شاندن بو لایێ دادوه‌رێ.
ده‌سته‌سه‌ركرنا وان چه‌كداران پشتی وێ یه‌كێ دهێت كو به‌ریا هنگی ل سنورێ ناحیا ریازا سه‌ر ب قه‌زا حه‌ویجه‌ڤه ل باشورێ روژئاڤایێ پارێزگه‌ها كه‌ركوكێ په‌قینه‌ك چێ بوو، هه‌ر ب وی سه‌ده‌می ئافره‌ته‌ك هاتبو كوشتن و دوو كه‌سێن دن ژی بریندار ببون.
No comments:
Post a Comment