پرس بادینی
به‌رپرسێ ده‌ڤه‌را دهوك یێ هه‌ڤپه‌یمانیا نشتیمانی راگه‌هاند "شه‌ڤا ده‌ربازبوی ئه‌ندامه‌كێ ئه‌نجومه‌نێ نوینه‌رێن هه‌ڤپه‌یمانیا نشتیمانی ژ لایێ ئاسایشا پارتی ڤه هاتیه ده‌سته‌سه‌ركرن، دگه‌ل ژماره‌یه‌كا چالاكڤان و رۆژنامه‌ڤانان".
شڤان سه‌عید به‌رپرسێ ده‌ڤه‌را دهوكا هه‌ڤپه‌یمانیا نشتیمانی د لێدوانه‌كێ دا ژ بوی "پرس میدیا" راگه‌هاند "دره‌نگیا شه‌ڤا ده‌ربازبوی ئازاد مه‌حمود ئه‌ندامێ ئه‌نجومه‌نێ نوینه‌رێن هه‌ڤپه‌یمانیا نشتیمانی و ژماره‌یه‌ك چالاكڤان و رۆنامه‌ڤانان ژ ئالیێ ئاسایشا پارتی ڤه ده‌سته‌سه‌ركرن، هه‌روه‌سا هه‌ره‌شه‌یا ده‌سته‌سه‌ركرنێ ل ناڤبری ژی هاتیه كرن".
ئاماژه ب وێ یه‌كێ ژی كر "ئه‌ڤه نه‌جارا ئێكێ یه ئه‌ندام و هه‌ڤدیدێن مه ل ده‌ڤه‌را بادینان دسته‌سه‌ردكه‌ن، هه‌مو ده‌مان به‌ر پرس و ئه‌ندام و هه‌ڤدیدێن مه ب سه‌ده‌ما به‌ژداریكرنێ د خوپێشاندان و داكوكی كرن ل ماف و مووچه و قوتێ هه‌ولاتیان دهێنه ده‌سته‌سه‌ركرن".
ئه‌ڤه‌ژی پشتی وێ یه‌كێ دهێت ل شه‌ڤا ده‌ربازبوی ئاسایشا دهوكێ و ئارێ، ژماره‌یه‌ك رۆنامه‌ڤان و چالاكڤانێن مه‌ده‌نی ده‌سته‌سه‌ركرینه، و دناڤا وان دا ژی دیفاع هه‌ركی به‌رپرسێ به‌شێ بادینی ل پرس میدیا بوه و ئه‌و ژی ده‌سته‌سه‌ركرنه".
No comments:
Post a Comment