پرس بادینی
کومەکا چالاکڤانێن پارێزگەها دهوکێ پشتی سەرەدانا گۆڕا وه‌داد حسین کرین ژ بوی ساخکرنا سال روژا تیرۆرکرنا وی، ژ لایێ هێزێن ئەمنی ڤە هاتنە دەستەسەرکرن، هەتا ڤێ کێلیێ ژی نەهاتنە ئازادکرن.
شڤان سەعید، کارگێرێ دەڤەرا دهوکا هەڤپەیمانیا نشتیمانی تایبەت بو پرس میدیا ڕاگەهاند "پشتی رێکخستن و ئامادەکاریان ژ بوی ساخکرنا ساڵ ڕۆژا تیرورکرنا شەهید وەداد حسێن، ئەم بەرەڤ گورستانێ چوین، بەلێ هێزێن ئەمنی ڕێک ڵمەگرتن و بەشەک ژ هەڤالێن مە دەستەسەر کرن".
شڤان سەعید بەحس ل وێ یەکێ ژی کر، "کو د بەرنامەیا واندا هەبو تاجە گولەکێ لسەر گورا شەهیدی بدانن و بەیاننامەیەکی د پرێسکونفرانسەکێ ڕوژنامەڤانی دا پێشکێش بکەن، و زێدەباری وێ یەکێ هەر ئامادەبویەک ل وێری ماف هەبیت پەیامەکێ ئاراستەبکەتن".
ئاماژە ب وێ یەکێ ژی کر، "پشتی ئەو دەربازی گورستانێ بوین هێزێن ئەمنی بەشەک ژ هەڤال و چالاکڤانێن دگەل وان دەستەسەرکرینە و هەتا ڤێ کێلیێ ژی نەهاتنە ئازادکرن، بەلێ رێک ب خێزانا شەهید ویدادی هاتیە دان سەرەدانا گورێ وی بکەن".
ئیرو دبە چوار سال روژنامەڤان ویداد حسێن دناڤا پارێزگەها دهوکێ دا هاتیە تیرۆرکرن و هەتا نها ژی تاوانبارێن ڤێ تاوانێ نەهاتنە دەستەسەرکرن، کەیسا ویدادی هاتیە بێدەنگکرن.
No comments:
Post a Comment