پرس بادینی
ئێڤاریا ئیروو نێچیرڤان بارزانی سه‌رۆكێ هه‌رێما كوردستانێ دگه‌ل فلۆرێنس پاری وه‌زیرا ده‌رڤه‌یا فه‌ڕه‌نسا ل هه‌ولێرێ جڤیا.
پشتی جڤینێ نێچیرڤان بارزانی سه‌رۆكێ هه‌رێما كوردستانێ راگه‌هاند، هێشتا هه‌رێما كوردستان و عیراقێ پێتڤی ب پشته‌ڤانیا هه‌ڤپه‌یمانێن ناڤده‌وله‌تی یه.
سه‌رۆكێ هه‌رێمێ گوت، ئه‌م ب پێزانین و گرنگی ڤه سه‌ره‌دانا وه‌زیرا ده‌رڤه‌یا فه‌رنسا دبینینن، و د ڤی ده‌مێ هه‌ستیار دا نیشانا پشته‌ڤانیا وی وه‌لاتی یه ژ بوی عیراق و هه‌رێما كوردستانێ، فه‌ڕه‌نسا د گه‌له‌ك قوناغێن دژواردا پشته‌ڤانیا هه‌رێما كوردستانێ كریه.
نێچیرڤان بارزانی به‌حس ل وێ یه‌كێ ژی كریه، "هه‌مو ده‌مان فه‌ڕه‌نسا مامه‌له‌یه‌كا دووستانه دگه‌ل هه‌رێما كوردستانێ كریه، گه‌لێ كوردستانێ هه‌مو ده‌مان ئه‌وێ پشته‌ڤانیا فه‌ره‌نسا ژبیرناكه‌تن".
هه‌ڤده‌م فلۆرێنس پاری، وه‌زیرا ده‌رڤه‌یا فه‌ره‌نسا د كونگره‌یه‌كی دا راگه‌هاند، ئامانج ژ سه‌ره‌دانێ بو عیراق و هه رێما كوردستانێ دوپاتكرنا پشته‌ڤانیا وه‌لاتێ وێ یه ئه‌و گه‌ل عیراق و هه‌رێما كوردستانێ نه.
ئه‌ویه‌كژی روونكر، د شه‌رێ دژی داعش دا پشته‌ڤانیا هه‌رێما كوردستانێ دكه‌ن و وه‌لاتێ وان شانازیێ دكه‌ت كو دگه‌ل پێشمه‌رگه‌یدا شه‌رێ داعش دكه‌ت بو ده‌ما شه‌ش سالانه هه‌ڤكاریێن وان د چوارچوڤێ هه‌ڤپه‌یمانیا ناڤده‌وله‌تی دا ژ بوی شه‌رێ داعش وێ به‌رده‌وام ببێت.
No comments:
Post a Comment