پرس بادینی
کۆمسیۆنا بلندا سەربەخویا هەلبژارتنان ل عیراقێ ڕاگەهاند، پشتەڤانیا ڕاسپاردەیێن مەرجەعێ بلندێ شیعەیان عەلی سیستانی دکەت و تەکەزێ ل وێ یەکێ ژی دکەت ب جێبەجێکرنا پێنج مەرجا دشێت پڕۆسا هەلبژارتنێن بەروەخت ل عیراقێ برێڤە ببەت.
کۆمسیۆنا بلندا سەربەخویا هەلبژارتنان ل عیراقێ د ڕاگەهاندنەکێ دا خوشحالیا خوە نیشاندایە لسەر ڕاگەهاندنا مەرجەعێ بلندێ شیعەیان، عەلی سیستانی کو دوهی ئێک شەمبی داوی جڤین دگەل نوینەرێ تایبەتێ سکرتێرێ گشتیێ نەتەوەیێن ئێکگرتی ل عیراقێ، جێنین هێنس پلاسخارت بەلاڤکربوو.
کۆمسیۆنا بلندا سەربەخویا هەلبژارتنان ل عیراقێ ڕاگەهاند، کو لێدوانێن عەلی سیستانی پێتڤیە ب هەلبژارتنێن پێشوەخت کو بریارە ل ناڤەراستا سالا بهێت وەرە ئەنجامدان، بەلگەیەکێ روونە لسەر وێ یەکێ کو مەرجعێ بلند گرنگیەکا زێدە ب ئەنجامدانا هەلبژارتنەکا پاقژ و بژین ددەت، هەروەسا وەلاتیژی پالدانە کو بەژداریێ د هەلبژارتنان دا بکەن.
د وێ ڕاگەهاندنێ دا، کۆمسیۆنا بلندا سەربەخویا هەلبژارتنان پابەندبونا خوە ژبوی کارکرن و جێبەجێکرنا ئەرکێن دەستوری دووپاتدکەت و ڕادگەهینە کو ب جێبەجێکرنا پێنج مەرج، ئامادەیە هەلبژارتنێن بەروەخت ل عیراقێ ب رێڤە ببەت.
ل گۆڕەی ڕاگەهاندنێ ئێک ژ وان مەرجانە ئەوە کو دڤێت ئەنجومەنێ نیونەرێن عیراقێ ب زوترین دەم یاسایا هەلبژارتنان پەسەند بکەت و د ڕۆژنامەیا فەرمیدا بەلاڤکریە، چونکە ئەو دبیتە چوارچوڤەیەکێ یاسای ژبوی ئەنجامدانا هەلبژارتنێن بەروەخت.
بەحس ل وێ یەکێ ژی کریە، کو دووەم مەرج ئەوە، دڤێت ئەنجومەنێ نوینەران دەنگدانێ لسەر یاسایا دادگەها فیدرالی تەمام بکەت، چونکە دادگەها فیدرالی تاکە لایەن کو دەستهەلاتا یاسای پێ هاتبیتە دان لسەر وێ یەکێ کو ئەنجامێن هەلبژارتنا پەسەند بکەت.
No comments:
Post a Comment